《中年好聲音》李佳秘密入院做手術 左手腫如豬蹄留X cm傷口
發佈時間：12:30 2024-05-18
45歲《中年好聲音》亞軍李佳上周日（12日）母親節偕一班戰友出席《一班好聲音「十」力無限演唱會》發布會，宣布將於6月22、23日假麥花臣場館連開兩場騷，未料不足一星期，其身體狀況卻忽然亮紅燈，本周出更秘密入院做手術，情況令人擔心。
相關閱讀：《中年好聲音》李佳晒三代同堂照！靚媽外表年輕 散發超強高雅氣質
李佳健康亮紅燈？
李佳昨晚（17日）於IG貼出自拍片，並謂：「呢幾日好多朋友問我隻手有冇好啲，好多謝大家關心，已經恢復中，All good, My wrist is lot better, thank to you all（一切安好，我的手腕好多了，感謝大家）.」她透露患上腱鞘囊腫（Ganglion Cyst），剛在法國醫院完成一個手術，相中可見其左手包紮住，手腕位置腫如豬蹄：「Day 1 - 完成手術冇耐……開始感到痛楚，但一切很好。」另一張則是術後第五天的照片，李佳手部明顯消腫不少，精神亦不錯。
李佳腱鞘囊腫復發
對此李佳回覆傳媒時表示，今年1月已抽出手腕內的「啫喱（水囊）」，豈料3月去加拿大期間再度復發，情況比之前更嚴重，水囊變得更大粒。她指，本來醫生稱若不痛不癢可無須理會，但後來因「一郁就痛」，經檢查後發現水囊已長至筋腱位，故需要開刀切除，幸周一（13日）手術成功：「醫生縫得好細好靚，而家隻手要包紮幾日，以防有時唔覺意會做錯手勢就會痛，畢竟個傷口都2cm大，要等一段時間先可以真正恢復如常咁郁個手腕。」
李佳三代同堂照：
李佳續指，手術後翌日在網上直播Jam歌時，一用力唱便感到手部麻痺，暫時左邊不能郁動太多，好在兩個寶貝仔都好乖幫手拎東西。另因左手包紮住，不能洗頭的李佳也相當不自在，她笑言：「有日去朋友度玩，佢係間Salon嚟，見到我隻手咁樣，主動話幫我洗頭，真係好感動。」
其他文章：
中年好聲音丨肥媽賽後點評龍婷失準「有包袱」 李佳屈居亞軍自爆有高血壓老公抱抱慰妻
中年好聲音紅白大戰｜李佳率戰友化身歌廳舞女勁跳狂唱 羅啟豪舞功大躍進有望成跳唱歌手
中年好聲音演唱會丨直擊精彩表演！龍婷半透裝熱舞High爆 同李佳合唱十足女團
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
