九龍城寨之圍城丨「四仔」張文傑堂哥竟是張家輝！契媽為殿堂級動作女星 自小隨特技人父學藝
發佈時間：11:00 2024-05-21
由古天樂、林峯、洪金寶、劉俊謙等主演的電影《九龍城寨之圍城》，票房已突破6,000萬，電影更入圍法國第77屆康城影展「午夜展映單元」。導演鄭保瑞、古天樂率「城寨四少」到當地宣傳。有份演出「四仔」張文傑（German）在片中長時間戴面罩上陣，卻引起觀眾注意，火速彈起。原來張文傑與兩屆金像獎影帝是堂兄弟外，契媽更是武打女星楊盼盼。
相關閱讀：九龍城寨之圍城丨衝破5,000萬票房 「四仔」張文傑戲院親身示範後空翻
九龍城寨之圍城丨張文傑親戚知名度高？
張文傑近日接受廿四味YouTube頻道的節目《24/7TALK》訪問，提到背景及入行經過時，張文傑自揭與演藝界有淵源。父親張孝慈是舞台特技人，過往TVB台慶、《歡樂滿東華》踩鋼線等表演，都是由張父設計。張文傑從小習武，並多度參加不同武術比賽。張文傑又談到張家輝是其堂哥，但二人不算熟稔：「我哋家族好大，我哋唔算好熟，真係唔算好熟，只係最近呢幾年我做咗電影行業，見到面傾返偈，大家Friend返少少，以前都唔算好熟。」
張文傑16歲獲楊盼盼引薦入行
自言童年時沒甚愛好的張文傑，主要在練功，16歲前會到處玩雜耍表演，之後獲契媽楊盼盼引薦入行，由電影幕後工作做起。張文傑因為早入行，他笑稱很慶幸能與多位出色的動作演員一同長大：「例如樊少皇、張晉、盼盼姐，佢哋全部都係好X勁。我同樊少皇拍好多戲，對好X多招式，佢係快到好X勁，點解佢隻腳可以咁勁，我做唔到，我就逼自己我隻腳要快過佢。」張文傑大讚樊少皇功夫，表示自己出完一腳，對方已出了三腳，又渴望在武術上超越對方。
相關閱讀：九龍城寨之圍城丨康城影展首映全場起立拍掌10分鐘！古天樂率四子Chok爆行紅地氈
張文傑演出作品：
對於有機會做武術指導及替身，可以學拍戲、度招、設計、控制現場，不過張文傑曾因不服氣要為態度差的演員做替身，而下決心轉到幕前，他說：「我以前有一種心態係唔抵得，點解我要幫演員做替身？冇人認同我或者冇人識我，我咁辛苦同你搏命，但係唔係個個演員都真係咁Nice，有時有啲人令我覺得好X嬲，我做乜要幫你？我幫完你，我周身傷佢自己就（冇事）。」張文傑又認為就算不及對方靚仔，亦不比人差，因此試行演員路證明自己做得到。
張文傑開武術學校培育新血
張文傑又為培育新血，開武術學校教導新一輩做動作演員，原因擔心未來沒有人再入行做替身，業界便會出現斷層，他說：「我哋做最難度高嘅動作嗰時，十幾廿歲做，依家要啲三張嘅做，真係冇晒咁點算？如果呢個行業冇呢種人，咁香港動作片就會冇，咁X街啦，我哋食咩？」張文傑當年為轉幕前，曾向契媽表示寧願沒有工作，都要推掉所有幕後工作：「我要話畀人聽我係一個演員，我係識做戲。犧牲好多嘢，因為係好X困難，你冇嘢拍，啲人都唔識你，點會無啦啦搵你做演員？所以我工作都推晒，我要話畀人聽我已經唔係以前嗰個German，我唔係嗰個替身，我係演員。」
相關閱讀：九龍城寨之圍城丨雙刀「阿七」竟是名小說家！菲律賓魔杖教練對戰洪金寶成亮點
九龍城寨之圍城丨古天樂率四子現身康城影展：
張文傑現年38歲，原來自幼受父親影響，3歲開始接觸武術，10歲隨父親張孝慈及伯伯張存學習不同雜技，並跟二人到各地表演。張文傑精通詠春、跆拳道、泰拳、拳擊等多種武藝，2001及2002年分別獲得深圳市傳統武術比賽一等及二等獎項。
張文傑向女星教授武術
張文傑從2001年起參與多部電視及電影的幕後工作，同時擔任動作設計及演員替身。直到2009年才往幕前發展，曾參與《風暴》、《一個人的武林》、《迷城》、《沖天火》、《大師兄》、《怒火》、《地產仔》、《神探大戰》、《明日戰記》等作品。張文傑也有擔任私人教練工作，曾向Jessica C.、傅穎、劉璇、周秀娜教授武術。
其他文章：
九龍城寨之圍城丨任賢齊大讚劉俊謙係最新頂流 唔介意拍前傳再剃頭戴頭套
九龍城寨之圍城丨古天樂盼開拍前傳加入更多角色 邀謝霆鋒參演要視乎票房
九龍城寨之圍城丨宣布開拍三部曲！古天樂郭富城拍前傳？劉俊謙三地爆紅開劇集《信一傳》
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
