顏志恒為索妻慶生遭冷淡對待！竟有多年未有正日慶祝 細仔用工作紙寫情書
發佈時間：20:30 2024-05-24
44歲的《中年好聲音》第一屆參加者顏志恒，與太太結婚10年育有兩子，自入行後不時獲太太陪伴出席公開活動，大晒恩愛。日前是顏太的生日，顏志恒買定蛋糕及禮物為太太慶祝，怎料因顏太工作忙碌，最終冧妻舉行被冷淡對待。
相關閱讀：顏志恒哽咽感謝粉絲支持 入行一年感覺夢幻 目標兩年後再開演唱會
顏志恒慶祝太太生日被忽視？
顏志恒昨日（23日）在IG貼出與太太外遊的合照，二人坐船時攬住拍攝，笑得燦爛。顏志恒留言：「happy birthday to my love，祝你生日大快樂，多謝你一路以來對我嘅體諒同埋照顧，我今日嘅成績全靠你喺我背後支持我，非常多謝你！我會繼續努力！老土啲，祝你身體健康，家肥屋潤！呢排我同你都忙到爆炸，都冇認真同你影過合照，唯有用返10年前嘅今日影嘅相，希望快啲再可以同你去旅行 #生日快樂 #十年如一日」。
顏志恒細仔送手工禮物
不過顏太的IG雖然貼出一張牆上掛有「Happy Birthday」的一家四口合照，但原來生日未有大肆慶祝，而且顏太早已入眠，對老公顏志恒買回來慶祝的蛋糕冷處理。顏志恒太太留言還指囝囝也忘記她的生日：「今日細佬放學我同細佬講：『媽咪好傷心呀，你唔記得媽咪生日嘅，唔同媽咪講生日快樂！』細仔：『我記得呀！』」顏志恒太太之後問囝囝：「咁點解我今朝送你上校車你唔同我講嘅？」細仔竟搞笑回覆：「我未瞓醒，我今日畫咗封信俾你，我問老師可唔可以俾張紙我，但係佢冇啊，所以俾咗啲工作紙嘅紙我，我諗住食蛋糕嘅時候先至俾你。」
相關閱讀：顏志恒一家四口北上尋歡 靚老婆激似連詩雅 默默付出鼓勵老公追夢
顏志恒《中年好聲音》吸納不少粉絲：
顏志恒太太多年沒慶祝
顏志恒太太又多謝大眾對自己的祝福：「多謝大家嘅生日祝福，已經好多年正日生日冇特別出去慶祝，尤其係平日，因為做咗父母有父母責任，琴（噚）日一早返咗學校講故事之後全日出咗去工作，夜晚再直落去學校開會，返到屋企再捉咗細佬溫陣英文，之後攰到一早瞓咗，原來爸爸已經買咗個蛋糕放咗喺雪櫃，仲買埋豆腐花，諗住凌晨同我切蛋糕，可惜一早搵咗周公，所以正日work from home 跟下claim，幫客人預約醫生，回覆下WhatsApp舒舒服服喺屋企過，今日學校無功課日，簡直係送咗份禮物俾我，人超大簡簡單單健健康康已經足夠。」
其他文章：
中年好聲音決賽｜吳大強獲囝囝撐場唱到甩beat 顏志恒被狠批唱腔似無病呻吟
阮兆輝演藝70樂今宵丨吳大強視阮兆輝為偶像令人敬佩 顏志恆身兼兩職感恩雙方支持
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
