東張西望｜何太失控狂爆何伯子女私隱：大仔高級過處長 直認享受「成名」生活
發佈時間：12:30 2024-05-28
何伯夫婦上《東張西望》控訴何伯細女調走聯名戶口內450萬一事，至今超過三星期仍持續發酵，近期新何太積極經營抖音帳號「千語BB生活錄語」疑鋪路做帶貨KOL，誓要實現賺取「50個億」的發達夢，惟她對何伯的450萬積蓄依然耿耿於懷，連日開始在粉絲群數臭何伯亡妻家人及子女，更公然大爆何伯大仔的私隱，一班網民就覺得新何太走火入魔：「作得就作！」
相關閱讀：何太即將再度現身《東張西望》！衝口而出公開閨房事 驚爆非首次做「何太」
新何太失控狂爆何家子女私隱：
被林作寸自覺爆紅「飄飄然」的新何太，近日在社交平台的粉絲群與網民互動，繼爆料何伯亡妻生前花數百萬醫病、暗示大姨仔及何家子女當何伯「提款機」後，今晨（28日）再有網民於Facebook群組「何伯＆何伯老婆關注組」分享疑似新何太對話截圖，當中可見她無所不談，甚至公開何伯大仔的私隱：「……我咪都係講過啊，同我老公講我話邊個人敢埋你身呃你啦，係嘛，你（嗰）陣時喺街市到處同人講你大仔做乜乜乜嘅，係嘛，變個敢埋你身呃到你啊？」之後新何太越講越High，直指「所有警察條線都知道佢有一個咁樣嘅仔，咁樣對自己嘅父親」，更疑爆何伯大仔任職警察：「佢大仔何止係高級督察啊？唔只啊，佢廿幾萬一個月」、「大仔好高級，仲高級過處長」。
新何太指何家子女沒養老父
對於一名自稱何伯大仔的網民早前於「關注組」發文，強調會循法律途徑保護父母財產及亡母的尊嚴，新何太則謂：「我相信大仔，佢又唔會去寫呢啲嘢嘅，佢嘅大仔做邊行啊？佢嘅大仔都係懂法嘛，都係高級官員嚟嘛，唉，嗰班根本唔會做呢啲嘢嘅，佢啲人攬住錢就走喇，就算喇」。她又擔任何伯「代言人」續指，五子女從沒養過父親，更沒有給過一分一毫：「呢個老竇淨係為啲仔女付出啊，每一個仔女都最多個仲攞咗百幾萬啊，話到有畀番100萬一個仙都冇啊，反正，唉，總之就係過份啦佢哋。」
重組何伯何太相戀時間線：
不過，當被問到與前夫所生的18歲兒子哪年出生？新何太似乎顯得有些避忌，僅答正就讀中五：「你唔使問得咁清楚啦吓，我亦都唔想答得咁清楚啊，希望你理解，因為阿囝囝呢，我唔想佢即係曝光啊吓，我要保護佢嘛，我唔想佢係咯唉，影響到佢學業或者仲細啊嘛」，她希望囝囝大學畢業後能創業，「搵到錢」又可以做自己想做的事情，「我係咁樣同佢講啊，因為佢話好鍾意幫人啊嘛，到時你如果唔搵多啲錢，你點有能力去幫人啊？」、「第日搵到大錢啊，邊只唔使住咩公屋啊，係咪啊？住大屋都得啦，最緊要要睇你經濟能力，買咪買唔買得起樓先啦」。
新何太開心成「公眾人物」
新何太還坦言成為「公眾人物」而感開心，即使「好多fans」要求合照，她也會滿足大家需求。然而，新何太的一番言論卻引起網民嘲諷：「個仔高級過處長，人工廿幾萬，到底係咩工」、「到底河馬X噏緊啲咩？我腦細胞就嚟死一萬個億。如果係真，佢覺得人哋年薪300萬嘅比佢貪錢，睺住450萬除開5份嘅90萬」、「究竟河伯係做邊行㗎？咁多錢嘅？仔女個個都問佢攞錢，最多攞百幾萬，姨仔整牙都問佢攞11萬」、「開始進入思覺失調階段」、「作得就作」、「貪錢貪到呢」。
其他文章：
何太直播與何伯咀嘴咀到啜一聲！冧爆：佢一晚五次㗎 疑袋逾萬元課金
東張西望丨何太做網紅？預告開培訓營拍片教煲湯 與何伯紅雨去醫院再買校服
「抽水王」遇到高手？被何太公開寸爆「腎容」有問題 林作直斥：想污衊我
緊貼最新最快新聞資訊，請立即下載星島頭條App：https://bit.ly/3Q29Vow
