前TVB藝人索妻減磅過度驚現「排骨胸」 網民嚇窒憂婚姻亮紅燈：想起安心事件
發佈時間：21:00 2024-05-29
36歲湯怡2021年閃嫁前TVB藝人麥秋成，同年6月誕下女兒「麥QQ」。雖然婚後大減幕前工作，專注照顧家庭及打理自己餅店生意，但一直勤力健身，以維持「女神級」Fit爆身形，惜近日似乎減磅過度，骨感程度嚇窒網民。
湯怡減磅過度驚現「排骨胸」？
湯怡昨晚（28日）於社交網上載兩張靚相，以吊帶Bra top襯長裙大晒纖幼四肢及小蠻腰，她寫道：「喜歡簡單而隆重，喜歡努力的成果。」惜此Po一出引起網民爭議，事關一向擁有健美體態的湯怡，突瘦到心口驚現「排骨胸」狀甚嚇人，一眾網民都紛紛留言勸籲勿過度減磅，甚至有人擔心她鬧婚變：「瘦得很恐怖」、「瘦到見胸骨快啲去食嘢」、「Too skinny not healthy ah」、「太瘦唔靚了，仲瘦過生之前」、「女人最忌心口冇肉（男人不愛），食多餐啦」、「麥秋成偷食不要怪任何人，是你一手做成，回想起安心事件」。
湯怡愛女麥QQ萌照：
對此，湯怡於IG Story作出回應：「見到大家成日話我瘦，我就睇番以前啲相，其實我以前都一樣瘦㗎，陀住B都係…」她續分享親子日常：「呢張相嘅Caption切切實實係而家嘅我，無限量嘅EQ去應付QQ，就好似今晚咁，晚晚都係我幫佢沖涼的，今晚佢太眼瞓，話唔要我幫佢沖，掂都唔俾掂淨係要爸爸，一路碱到沖完涼，我就用盡方法去令佢冷靜番落嚟，冲完凉之後咪又攬番住我。開始戒片嘅佢，剛剛瀨濕晒張床同衫褲，媽媽好攰啊。」
湯怡1月鬧婚變疑雲
今年1月，湯怡因忽然留言：「合則來，不合則去，不會強求，也不會挽留，來來去去，最好的會留在身邊。」惹來外界猜測她與麥秋成要離婚，湯怡急急否認道：「我哋嘅婚姻，唔係大家想像中咁兒戲，令大家失望真係唔好意思。『我嘅世界唔係得佢一個』我講嘅唔係我老公，但當然最好的都會留在身邊，佢係其中一位啦！」其後現身公開活動時，她澄清留言所指是公事，因當時自家餅店連續數人離職，人手短缺而心煩發文抒發。
其他文章：
湯怡七字留言惹婚變揣測！突轉超性感造型 老公麥秋成滿面愁容離港？
湯怡兩歲半囡囡麥QQ變家務擔當 全副武裝拖地網民留意表情變化
緊貼最新最快新聞資訊，請立即下載星島頭條App：https://bit.ly/3Q29Vow
