東張西望丨疑似何伯子女再發聲！不滿遭父爆私隱傳將向私隱專員公署求助？

更新時間：22:20 2024-05-29
發佈時間：22:20 2024-05-29

因在TVB節目《東張西望》控訴細女將聯名戶口450萬元取走，以及5名子女反對他再婚而成為全城焦點的何伯與何太，今日（29日）在抖音直播繼續大爆家事，公開大仔和二仔的姓名、職業及欠債紀錄，而且更一度將茅頭直指大仔，爆在警察部的職級兼有兩頭家，事件引起網民嘩然。有人自稱是何家子女代表在facebook「何伯＆何伯老婆關注組」中發文，直斥何伯在直播中嚴重侵犯仔女的私隱，將會向私隱專員公署及警方報案。

傳何家子女將會向私隱專員公署及警方報案：

何伯抖音直播大爆仔女私隱

何伯何太今日在抖音的直播，高峰時有逾萬人觀看，有備而來的何伯準備了一張「貓紙」，中氣十足地逐個數臭仔女，何生先力斥大仔：「我個大仔何XX在2016年8月24號，攞咗我60萬買，本票40萬買，現金20萬買。2016年3月24號，又取咗30萬買車，合共取咗我130幾萬買。佢話『咬糧』畀返100萬我，但佢『咬咗糧』我打俾佢，佢話100萬攞唔佢畀我，話畀返50萬我先，但佢唔覆我電話，我錄咗音佢冇覆我電話。」何伯續指在2018年6月，每名仔女都攞了五萬買，共25萬：「二仔何XX買保險差5萬銀冇得畀，佢又搵我攞5萬銀買，我唔想話我偏心，咪5個仔女都畀5萬，二仔裝修XX樓公屋，在2023年取了我35萬買，前後取了60多萬。」接着何伯又再爆大仔在警察部的職級兼有兩頭家：「有頭家喺內地，生咗一對龍鳳胎！」

疑似何家子女不滿被父公開私隱

事件觸發到不少網民在FB群組「何伯何伯老婆關注組」開PO喪鬧，有匿名參與者聲稱自己是何家子女代表，「就住家父今日中午透過網上直播公開我們的姓名和職業，我們認為家父這個行為嚴重侵犯了我們的私隱，然而他這個行為亦沒有得到我們的同意。就此，我們或許會就住家父的行為，向私隱專員公署以及警方報案，謹以此平台宣佈。群組管理員亦有轉發關留言，有人留言稱：「正確，我都得係應該咁做，夠料做佢哋開File」、「一定要告佢倆賤人！支持何家！」、「都開晒名，唔使匿名，何伯真係痴撚咗線，但佢哋抖音直播，香港會唔會受理？」

何伯夫婦再度直播：

網民怒斥何伯虎毒不吃兒

其後還人說：「虎毒不吃兒。呢個咸濕廢老就禽獸不如，為咗下半身而刀刀見血見骨咁劈向啲仔女，連幫佢捱足成世嘅元配仙遊咗都唔放過！依家100%肯定，條廢老成世人爛賭爛滾對家庭仔女完全不負責任，元配最錯嘅就係為咗所謂嘅完整家庭而留條廢老響屋企，仲要仔女照顧埋條廢老嘅下半生。」、「講句公道說話，一家唔知一家事。但就算仔女真係好差都好，做老豆都唔應該公開數自己仔女，尤其爆仔女私隱同名，啲仔女都要返工搵食，何伯唔要面，仔女都要。聽完何伯直播之後，我覺得佢比河馬，更加緊張嗰450萬囉。根本就係李龍基2.0。」

其他文章：

東張西望丨萬人收看何伯夫婦直播！何太被質疑在旁挑撥離間網民：呢個女人好高招

東張西望丨何伯夫婦再度被網民喪鬧係極品何太抖音帳號疑被封直播隨時告吹

東張西望｜被何太口出狂言屈人品差被釘牌林作出Po反擊獲網民力撐形象翻盤

緊貼最新最快新聞資訊，請立即下載星島頭條App：https://bit.ly/3Q29Vow