東張西望丨何太晒16歲舊照否認做「骨妹」！談造人大計想生X個被要求接吻竟然…

更新時間：20:05 2024-05-29
發佈時間：20:05 2024-05-29

因於TVB節目《東張西望》受訪而「成名」的何伯與何太，今日（29日）再度於抖音直播，何伯除了再次力數子女，更公開子女的私隱引起批評。而昨日（28日）《東張西望》再播出何伯與何太的受訪片段，主持更預告何太今日會於直播中拿出實質證據反擊網民指她曾做「骨妹」一事，今日直播何太拿出一張陳年舊照，疑想以此證明她的樣貌，與早前流傳她做「骨妹」的相中人不同。

何太陳年舊照曝光？

何伯於直播中否認外傳他爛賭被斬手指，他澄清斷指是因多年前做裝修工程時意外造成，何太則插嘴澄清有關自己的傳言，除了再度否認結過三次婚，亦指自己不曾如傳聞般用藝名「小燕」做骨妹，她表示：「網上又屈我呀，話我係『小燕』呀，根本我都唔係。根本唔係嗰個人，所以網上乜都作得出，所以好麻煩呢啲人……抹黑呀、中傷呀、誹謗呀、造謠呀！」

何太公開年輕照

何太請在旁疑似是《東張西望》攝製隊的工作人員遞上她的舊照，何太將舊照放近鏡頭，請網民看清楚，她表示：「我廿年前係咁嘅樣㗎！嗰陣時16歲……17歲都未夠，廿幾年㗎喇！我係咁嘅樣㗎！邊忽似嗰個乜嘢嗰個『小燕』呢係咪？都唔知你哋喺度講乜，成日喺度造謠呀……嗰啲黑粉！」

何太回應三度結婚傳言？

何太欲追生B陪大仔

何太早前曾直認與何伯有造人計劃：「一直都有這打算，正在計劃中，謝謝你的關心。」今日再被網民關心造人進度，何太表示：「生一個囉，再生一個夠掛！」何伯亦在旁點頭，看來二人早有共識再生小朋友。何太指：「再生一個，我囝囝有伴呀嘛，我囝囝可以多個兄弟或者姊妹，有伴……有商有量。」上次何伯與何太被網民要求在鏡頭前接吻晒恩愛，二人大方咀嘴卻惹來批評，今日再有網民要求他們接吻，何太即時拒絕：「啜啖先呀？唔啜囉！一陣又畀網上又咩我哋呀！等陣又爆網呀！」對於仍有網民不信何太是真心對待何伯，何太表示：「你哋話我人品差，唔緊要，就請你哋用多啲時間，以後幾十年時間去睇我呀！」更指即使何伯沒有多幾十年命，仍會陪伴對方到人生盡頭。