41歲「御用青樓女子」文凱玲宣布陀小公主！隔住個肚都見郁緊：覺得佢游緊水

即時娛樂

更新時間：13:03 2024-05-30
發佈時間：13:03 2024-05-30

有「御用青樓女子」之稱的41歲文凱玲（Connie）今年3月與任職IT才俊的老公Jason結婚後極速報喜，事隔1個月宣布懷孕，預產期將於7月的文凱玲，日前與老公齊齊影大肚寫真，順道公布BB性別！

相關閱讀：41歲「御用青樓女子」文凱玲宣布懷孕！巨肚相曝光上月結婚極速報喜

文凱玲影大肚寫真兼公布BB性別：

文凱玲懷有小公主預產期七月底

文凱玲日前與老公齊齊影大肚寫真，陀B 8個月的文凱玲果然得天獨厚，雖然肚皮又圓又大，但「長胎不長肉」，看起來四肢修長，文凱玲與老公用「性別揭曉氣球」公布BB性別，今次懷有小公主，文凱玲稱預產期七月底，姓名留待BB出世後再決定。談到今次陀B心情，文凱玲說：「知道有咗嘅時候覺得好幸運，畢竟喺醫生眼中已經係超高齡產婦，產檢嘅時候唔同嘅醫生同護士知道係自然懷孕都會話好難得。」

文凱玲昔日工作照：

文凱玲陀B期間沒有特別戒口

文凱玲還說陀B期間沒有特別戒口，亦未有甚麼禁忌：「而家已經八個月，我一直好忙，開頭係工作，之後籌備婚禮然後忙住搬屋，有時忙起上嚟會唔記得自己大住個肚，成日俾身邊嘅人叫我唔好行得咁快！」她還說：「BB喺肚裏面好活躍，成日都覺得佢好似游緊水，之前係自由式，最近變咗蝶式。而家隔住個肚都見到佢郁緊。每次BB郁，我都會同佢傾吓偈，老公亦都好鍾意摸住個肚，BB一郁佢就會笑得好開心。」

其他文章：

御用青樓女子」文凱玲再晒「簡單」婚宴相搞作極多一安排滿足成功長輩

「御用青樓女子」文凱玲結婚了！16隻龍鳳鈪加重量級金豬極風光筵開23席宴親朋

文凱玲結婚｜場內浪漫布置曝光！低胸束腰婚紗盡展驕人上圍 TVB小花晒長腿到賀

「御用青樓女子」文凱玲婚照曝光！低胸婚紗盡騷傲人上圍 3月中搞婚禮一切從簡

-------------------------

緊貼最新最快新聞資訊，請立即下載星島頭條App：https://bit.ly/3Q29Vow