郭晉安離婚後罕談子女近況！大仔吹法國號達演奏級赴英升學 細女是舞蹈高手
發佈時間：20:30 2024-06-02
郭晉安在上月初宣布與歐倩怡（Cindy）結束18年婚姻，兩人稱早於兩年前已分居並稱「這個決定是無奈及艱難」。雖然外界對兩人婚變有不少揣測，但郭晉安日前表示兩人是和平分開：「雙方都知道對方的事，Cindy、仔女都明白。」離婚後郭晉安亦逐步重回昔日軌道，日前更罕有地開口談家事，分享一對仔女最新近況，不過絕口不提前妻歐倩怡！
相關閱讀：郭晉安離婚無損心情！拍片晒神級演技網民睇錯點 顏值成談論焦點
郭晉安罕談家事揭子女近況：
離婚後的郭晉安經過沉澱後，重回昔日的工作軌道，目前正拍攝TVB劇集《金式森林》，郭晉安在試造型當日，他表示已請假陪兒子到英國開學，原來兒子郭令山去年到英國音樂學院面試，結果成功被取錄，所以今年8月將會陪兒子到英國準備開學。日前郭晉安接受波姐馮素波的YouTube節目訪問，今次竟然激罕談一對仔女的近況。郭晉安去年曾經陪兒子到英國面試，可能兒子遺傳了對表演的興趣：「可能佢遺傳咗一啲表演細胞，所以佢好enjoy喺一啲文化中心同一班樂團嘅表演，佢係吹奏一種叫『French Horns（法國號）』嘅樂器，佢由一年班已經開始學，冇諗過佢係咁鍾意。」
郭晉安大仔要做演奏家
郭晉安還說：「佢喺兩年前突然間同我講：『爸爸，唔知點解我好似有一段團火！好想去吹好呢種樂器』，嗰陣我知道佢真係對呢種樂器撻着咗，一路考到8級，將會考演奏級。嗰陣佢不過係15歲，但係已經話將來想喺呢方面發展，想成一個音樂家，做指揮，或者喺樂團做呢樣嘢，覺得係好開心，好難得一個小朋友知道將來條路想點樣行，咁我作為父母，當然喺側邊支持。」郭晉安又稱兒子的關係比好朋友還要好：「我哋乜都會講，好坦白，基本上佢乜都知。」
郭晉安與歐倩怡昔日甜蜜時光：
郭晉安女兒原來是慳妹
另一方面，郭晉安亦談到女兒郭以雅的近況，他說：「我個女好鍾意跳舞，由5歲跳到而家，超碼有6、7年，佢跳一隻叫『Modern Jazz』，成日都見佢拉筋，有好動作要訓練自己，每年要考試，都係辛苦嘅。佢仲要參加好多比賽，一年最少有4、5次。」郭晉安自認是一個公平的爸爸，基本上一視同仁：「我好似個apps咁，一撳就彈出嚟，即刻會滿足佢哋。不過佢哋嘅錢就係佢哋，我早幾年已經畀佢哋處理，我唔會再畀零用錢佢哋，係全年嘅洗費。試過有一年因為疫情，我哋冇出去拜年，佢哋喺度喊，話自己嘅零用錢好少，唔知點樣去捱，我咪同佢哋講，今年例外，總之逗到幾多，我畀返一倍你哋，佢哋即刻笑番。」郭晉安大爆女兒慳家：「佢通常睇3次先決定要唔要，我試過佢講油錢同停車場錢都蝕晒，你不如去禺喇，但係佢都唔理，佢會話自己未諗掂，唔知係鍾意定真係需要，如果唔需要就浪費。」郭晉安續說：「我唔係一個霸道嘅爸爸，等佢哋自己去行。」
其他文章：
郭晉安歐倩怡離婚丨回復單身後首露面未除婚戒？強調冇第三者 傳避分身家：一早溝通好
郭晉安與歐倩怡離婚後近況曝光！請假陪子赴英升學 2年前將草姬股份予胞姐惹揣測
郭晉安歐倩怡宣布離婚！當年無懼年差15載結婚 分居兩年：這個決定是無奈及艱難
郭晉安歐倩怡離婚丨結束夫妻關係有跡可尋？2021年後甚少合體 郭晉安被捕獲獨自湊女
郭晉安歐倩怡離婚丨曾缺激情陷婚姻危機冷戰逾半年 歐倩怡找全職工郭晉安有微言？
郭晉安歐倩怡離婚丨拍節目撻著拍拖七年成婚 年差15載曾感不自在 歷事業瓶頸互相扶持
郭晉安歐倩怡離婚丨歐倩怡因仔女入學決定進修增值 去年以一級榮譽成績畢業做營養師
郭晉安歐倩怡離婚丨歐倩怡心情大靚約天后聚會 一舉動欲為工作打穩基礎？
郭晉安歐倩怡離婚丨郭晉安曾認戴綠帽！戀劉小慧被狠飛 女方移情蘇志威
--------------------------------------------
緊貼最新最快新聞資訊，請立即下載星島頭條App：https://bit.ly/3Q29Vow
