何太首次帶貨有阻滯？賬號被舉報18字回應 自爆已備孕3個月仍未有喜
發佈時間：17:00 2024-06-03
TVB節目《東張西望》早前報道76歲何伯與年輕逾30載的內地婦的忘年戀，閃婚後與五名子女反目的故事，掀起全城及大灣區的熱話。何伯與何太連日來高調出巡，經常被網民野生捕獲，不過何伯自從直播狂數家事，公開大仔及二仔的全名及職業，甚至指大仔最忤逆兼有「兩頭住家」，隨即被網民狂轟，結果有網民何太帶何伯拖篋返鄉下陽江！今日（3日）何太本來預告在抖音直播帶貨，但因帳戶被舉報，最後改為直播「傾偈」晒恩愛！
相關閱讀：東張西望丨何伯何太數臭行動升級！公開仔女姓名工作職位 爆大仔有兩頭住家：反骨忤逆
何太帶何伯返鄉下陽江玩直播：
何太直播帶貨變閒話家事
何太日前宣布今日（3日）開始直播帶貨，正式成為網紅，不過其抖音帳號被網民舉報，暫時不能加粉絲，雖然今日直播如常舉行，但何太只可以閒話家事。早前網上流傳聲稱是何太年輕時在東莞做「骨妹」的照片，更指當時何太藝名是「小燕」，與很多男士有過「親密關係」，其後何太已在《東張西望》澄清過不曾做「骨妹」，之前只在中、西餐廳打過工，但日前何太在直播尾段，卻突然使用「骨場」術語表示：「好啦，下次再同你哋分享啦！bye bye要落鐘啦！」再惹來網民質疑何太的確曾做「骨妹」。今日何太亦有重提事件，她説：「我有時係會嗰啲浴足城洗吓腳，會接觸嗰啲洗腳嘅師傅，佢哋時刻又會撳下個鐘，搞到有時我講錯，真係搞笑。」
何太自認滿身都係正氣
何太在直播不時叫人點讚：「本來安排人帶貨，但係出現咗啲阻滯，舊嗰個畀人舉報個，所以留返下次開個新帳號先，唔緊要，慢慢嚟。」言談間何太又表示現時在陽江，有網民留言鬧她影衰陽江，何太即說：「我一啲都唔衰，我個人行得正企得正，滿身都係正氣，去到邊都係正能量，所以你講錯嘢，唔該你！」何太又稱自從《東張》播出後，一直「冇覺好瞓」，她楚楚可憐地說：「我成半個月都冇瞓到一點，係呢排可以瞓少少嘅鐘，不過我瞓一陣仲好精神，如果有7-8個鐘頭瞓，直頭可以後生啲。」
何伯狂爆大仔私隱？
何伯今次明顯收火不敢「亂講嘢」
不過何伯今次明顯不敢「亂講嘢」，大多數時間望住鏡頭，間中才開口簡單回覆幾句，何伯聲稱沒有錢給過太太，何太接力為自己洗白：「我一蚊都冇貪過佢，我係欣賞佢嘅為人，人品好，如果人品唔好，就算有百幾億我都唔睬佢，揸benz同開公司我都從來唔出，我係直接同簡單嘅人！成日話我吼住佢呢3、500萬，我真係睇佢唔起，但係呢啲係佢嘅血汗錢，我要攞返喺佢手，你哋咁皮膚淺唔明事理。」何伯還說如果可以拎返筆錢，他會與太太返陽江安安樂樂生活。
何太自爆籌備生B三個月未成功
有網民問何太幾時煲湯，何太笑笑口說：「冇時間煲湯呀，而家我哋喺陽江住酒店房，只可以得閒出去飲湯。」何太又被問造人大計：「呢3個月喺度籌備緊，未懷到，上咗40歲冇咁懷，唔敢期望太高，順其自然。我係想生一個，嗰450萬唔使繼承，嗰少少錢都未夠我老公調理佢嘅生活，你知一個人病低咗係要好多好多錢，3、500萬算係乜嘢錢，尤其係香港地，我老公都睇私家，之前我老公中咗新冠，佢都唔肯睇政府，睇私家又冇錢，寧願死喺屋企，搞到好頭痛，好彩最後冇事。」
其他文章：
東張西望丨何伯被何太湊返鄉下避風頭？打風拖兩大篋北上 狂爆子女私隱引爭議
「樂壇風紀」甄妮揚言罷看《東張西望》！揞名鬧爆何伯何太：敗壞社會風氣
東張西望丨萬人收看何伯夫婦直播！何太被質疑在旁挑撥離間 網民：呢個女人好高招
東張西望丨何太晒16歲舊照否認做「骨妹」！談造人大計想生X個 被要求接吻竟然…
東張西望丨何伯再受訪無限loop鬧爆仔女！斥大仔花心又欠債：佢哋一吓想置我於死地
緊貼最新最快新聞資訊，請立即下載星島頭條App：https://bit.ly/3Q29Vow
