黃澤鋒4歲女因媽媽年紀大曾遭同學取笑 小黃妃12字𠱁母網民有呢個反應
發佈時間：13:30 2024-06-04
現年57歲前TVB藝人黃澤鋒的同齡太太陳麗麗在2019年以52歲「超高齡產婦」誕下女兒黃熙恩（小黃妃），剖腹產子期間一度妊娠毒血爆發，昏迷不醒差點中風，幸經過三小時救治終脫險，成功組織一家三口幸福家庭。近日黃澤鋒接受ViuTV節目《不一樣的爸媽》的訪問，原來小黃妃試過因為媽媽的年齡問題，被同學仔取笑。
相關閱讀：黃澤鋒4歲囡囡越大越靚有明星潛質 太太高齡誕女險中風 悉心栽培小黃妃成女飛魚
小黃妃試過因為媽媽年齡問題被同學仔取笑：
在昨晚（3日）播出的ViuTV節目《不一樣的爸媽》，黃澤鋒一家三口齊齊做嘉賓，當日太太陳麗麗在2019年以52歲「超高齡產婦」誕下女兒黃熙恩，在懷孕過程受到外間不少抨擊，陳麗麗坦言沒有理外間反應，只是一心為老公，黃澤鋒亦說：「人哋點講我控制唔到，只係諗太太嘅心理係點樣控制，我乜都做唔到，佢嘅辛苦我又唔知，唯一係喺心理上點樣支持佢。」經歷過後，黃澤鋒一家三口生活十分開心，女兒小黃妃精靈鬼馬，盡得父母大眼高鼻的優良基因，五官越大越精緻，加上自幼充滿表演慾，兩公婆有女萬事足，經常於社交網分享親子日常。
在節目內，主持李敏透露小黃妃試過因為媽媽的年齡問題而被同學仔取笑媽媽年紀大，小黃妃聽聞後說：「係呀，媽媽就喺度唔開心，我同佢講次次都係咁，我都唔知佢叫乜名，下次一見到我就鬧佢。（有冇安慰媽媽？）有呀，其實媽媽都唔老呀，仲好靚女。」小黃妃的舉止相當豪邁，「楝高對腳」表示日常怕爸爸多過媽媽：「爹爹係最惡嗰個，媽媽冇咁惡，我咪聽爹爹講嘢囉！」
黃澤鋒一家三口照：
只有4歲的小黃妃表現贏得網民歡心，大讚對媽媽表現窩心，老積得來很可愛，有人說：「妃妃好得意，好懂事，一句『媽媽都唔老，幾靚女』，我聽到都窩心！」、「超可愛，老積得嚟又唔係乞人憎嗰種。」、「好可愛，好醒目，好叻女。媽媽大年紀生完全冇問題，生咗個超級可愛嘅小朋友。」、「個女世故得嚟又好得意，而且眼仔碌碌好可愛～」、「妃妃好可愛，忍唔住睇幾次聽佢把聲。」、「妃妃好得意，好懂事，每句話都出自內心。」
其他文章：
黃澤鋒4歲女做小花女搶新人風頭！老婆52歲生B曾掀熱話 揚言想追生被批評？
數你條命丨56歲黃澤鋒與同齡太太想再生B 聞今年有機會追仔：要搏命！
黃澤鋒太太生日獲3歲囡囡獻歌賀壽 小黃妃打埋拍子萌爆愈大愈有表演慾
黃澤鋒囡囡小黃妃著幼園校服look萌爆！3歲眼仔睩睩高得超快
------------------------------------------------
緊貼最新最快新聞資訊，請立即下載星島頭條App：https://bit.ly/3Q29Vow
