TVB隱形富豪千字文弘揚菩薩！認真許願有不可思議事件：真係解釋唔到
發佈時間：17:30 2024-03-04
44歲林盛斌（Bob）是出名瓣數多多，多年來身兼主持、演員、娛樂公司老闆兼網店平台老闆，而且還是最強KOL，試過PO表示買了一個有「管理有酒店級水準」的骨灰龕位，但他直言並非賣廣告，只不過是「為自己同埋屋企人未雨綢繆」。日前林盛斌又再出PO多謝菩薩！
相關閱讀：Bob林盛斌再「置業」！曝光骨灰龕位金光閃閃門面 讚有酒店級水準價值六位數
林盛斌出PO多謝菩薩？
林盛斌曾因簽證問題美國巡迴險告吹
近期林盛斌為《The Bobfather》舉行巡迴演會，上月初分別在三藩市和洛杉磯站演出，不過出發前曾因簽證問題險些要取消演出，幸好最後順利趕及在演出前出發，林盛斌曾表示「多謝美國領事館嘅所有同事盡力協助」，還說：「感謝所有曾經喺呢件事幫過手嘅人同埋菩薩，包括觀音娘娘、千手觀音、狐仙娘娘、綠度母、財寶天王、龍母媽媽、坤平將軍、土地公公、林家歷代祖先、班彩石、水晶石、銅牛等等。冇錯，求過人，求過神，求過宇宙力量，乜都齊晒。」
林盛斌在社交平台撰長文弘揚菩薩
昨日林盛斌在社交平台撰長文，分享今次去美國做talk show前簽證嘅過程係有幾咁荊棘滿途：「一直以嚟我都有拜神，唔同嘅菩薩都有，我屋企亦有個小小嘅神壇，放咗好幾個神像，每日都會去裝炷香，多謝上天、菩薩同祖先保佑，希望一家平安，工作順利，身體健康嗰啲，印象之中從來冇為個別事件特別好認真去許願求願。喺我知道個簽證出現危機，幾迷惘同埋幾徬徨之際，我去咗我朋友開嗰個私人佛堂度，誠心許願求願，其實我都唔知道就算真係上去有冇乜嘢作用，但係嗰陣冇理咁多，因為都已經冇乜嘢可以做到，只要有機會令到件事嘅成功率增加1%，我都係會毫不猶豫地去做。」
林盛斌一家住四層獨立屋：
佛堂完成儀式發生了不可思議事
結果在佛堂做完所有儀式後，發生了不可思議的事情，林盛斌說：「隔咗冇耐，我經理人就收到電話，話個Passport攞得啦，我哋真係可以上到飛機去美國做show啦，最後喺傷害性同影響性最低嘅情況底下，只係三藩市站延後幾日，洛杉磯站可以如常舉行。我都講過，我可以如期做到三藩市站同埋洛杉磯站，其實機會係非常非常非常微，好大機會兩個show都要取消，最起碼都要延期去到八月九月先至可以做到，因為如果真係大延期，主辦單位就會有好大嘅損失，買咗飛嘅觀眾亦都會相當失望，而我嘅聲譽亦可能會受到好大嘅影響。」
林盛斌相信有微妙關係和影響
林盛斌續說：「我承認我由細到大，都係有少少迷信嘅，風水命理同求神問卜嗰啲，間唔中都有做嘅，但係一定唔係好沉迷同好神婆嗰隻，我仍然堅信，若要如何，絕對係全憑自己嘅，雖然我唔知簽證成功同許願呢兩件事有冇任何嘅牽連，但係我相信點都一定係有啲微妙嘅關係同影響，所以呢單野，確實係有啲難以置信，我只係想話俾大家知，有啲事情，又真係係解釋唔到，都係神奇嘅。」最後林盛斌稱因為答允了菩薩會一件事，所以出po弘揚：「如果誠心祈求，而你件事又係正正經經，正正常常，唔係啲唔好意圖、古靈精怪或者非法違法嘅壞事，菩薩係可能會嘗試搵方法去協助你，幫助你，
而你事後一定要做返一啲好事善事，幫助返其他有需要嘅人，回饋社會。無論如何，多謝所有喺呢件事上面幫助過我嘅人，亦都多謝保佑我嘅祖先同埋菩薩，感恩感恩。」
其他文章：
林盛斌發聲明譴責騙徒冒認教投資 網民錯重點：原來Bob哥咁有錢
林盛斌16歲大女竟撞樣華姐冠軍！眼大大五官標緻 爸爸擔心女兒拍拖遭潑冷水
Bob林盛斌6歲細仔竟是籃球神童！獨立屋巨型花園展球技 大到泊幾架車
----------------------------------
緊貼最新最快新聞資訊，請立即下載星島頭條App：https://bit.ly/3Q29Vow
