何伯預告返港搵法援！何太狙擊老公細女「最可恥」稱18歲仔唔肯返大陸

更新時間：10:00 2024-06-07
發佈時間：10:00 2024-06-07

76歲何伯何太今日（6日）再為與五子女的「450萬爭產案」玩直播，因為之前抖音帳號被網民檢舉而不能加粉絲，結果今次何太轉至微信影音號開直播，雖然何太曾堅稱「我真係睇唔起3、500萬」，不過直播話題當然離不開錢，連已故何太遺物也要取回，何太今次全力狙擊何伯細女，直斥何伯細女「最可恥」。至於早前有傳曾上《東張西望》的87歲余伯是何太的前夫，何太亦親自回應。

何太斥何伯細女「最可恥」：

何伯預告返港尋求法援

連日來何太因在粉絲群瘋狂爆家事而被網民圍剿喪鬧，不過未有動搖何太代夫爭產的心，昨晚（5日）更在粉絲群貼上已故何太遺物照片，因認同有人稱「亡妻不在理應歸現在的何太的。」結果再度被圍剿喪鬧，今日何伯與何太在微信影音號直播向網民挑機！全程講錢的何伯與何太，堅持要向細女追回亡妻的首飾：「如果第日冇錢就攞嚟賣返出嚟之後用。」有人質疑何伯與何太是否還有錢請律師，何太說：「我哋冇錢請律師，申請法援幫助我哋。」再有人問會否「問亡妻」，何太「潑婦」上身說：「問乜嘢亡妻，你哋真係好搞笑，梗係喺世間嘅活人話事喇，問乜嘢亡妻呀？唔好咁『齆塞』好冇呀！清醒一啲，理智客觀啲！講法律㗎嘛！」

何伯爆細女全名

何太今次全力攻擊細女，直斥細女「最可恥」：「你戶口得4200蚊，同個大陸婆相依為命，佢想佢老竇活唔成，黑唔黑心呀！」何太亦預告今日返香港尋求法援，何伯再爆細女全名：「而家我細女何XX攞咗我，我希望佢遇番畀我，等我開開心心過埋下半世，我幾廿歲，求到佢一定幫手，有好嘅律師，梗係幫我哋啲正值嘅人。我會放長條線俾足時間我細女，如果逼到我最後我會同佢喺法庭見，法庭一見盜竊咗我啲錢，佢就要坐監。佢冇問過我冇通知過我，就等於偷我啲錢走，佢唔認我呢個老竇，我就唔認我呢個女。」

何伯狂爆大仔私隱？

何太否認前夫是87歲《東張》余伯

近日網上瘋傳何太前夫是曾經上過《東張西望》的苦主余伯，余伯在年多前曾現身節目，聲稱曾有人介紹了一個大約40歲的內地女士給他，當時堅稱是無兒無女，余伯想找個伴照顧餘生，所以很快便與該女子結婚，殊不知老婆北上辦單程證時，突然帶兒子出現，結果「2個去3個返」，由於余伯離婚時間線及內地妻年齡等線索跟何太接近，因此被網民推測余伯可能是何太前夫。而何太在直播中，亦激動澄清：「我個前夫不是你哋所講的余伯，我都說過外面瘋言瘋語，都不是真的，你們不用再猜度。」其後再有人問何太兒子是否在香港讀書，何太竟然說：「係呀，我囝囝一直喺香港讀書，佢唔返大陸㗎，我囝囝唔鍾意返大陸，以前細個會跟，而家大個咗佢係唔會跟我返大陸。」

其他文章：

何太為降低養老公成本回鄉投靠親戚？何伯疑要捱味精湯大兜「軟飯」食到飽

何太首次帶貨有沮滯？賬號被舉報18字回應自爆已備孕3個月仍未有喜

東張西望丨何伯被何太湊返鄉下避風頭？打風拖兩大篋北上狂爆子女私隱引爭議

「樂壇風紀」甄妮揚言罷看《東張西望》！揞名鬧爆何伯何太：敗壞社會風氣

東張西望丨何伯曾被子女警告收口？誓要令大仔「工都冇埋」驚爆大新抱啞忍老公出軌

東張西望丨何太精通「骨場」術語？直播突爆兩字：落X 網民再質疑曾做「骨妹」

緊貼最新最快新聞資訊，請立即下載星島頭條App：https://bit.ly/3Q29Vow