星8卦丨「禿頭」樣醜但識氹女「長面」唔夠「妹妹」爭輸得好失禮
更新時間：11:30 2024-06-07
發佈時間：11:30 2024-06-07
發佈時間：11:30 2024-06-07
字體大小
有時真係唔明啲女人點解會鍾意呢種男人， 好似「禿頭」咁除咗因為係着制服出身，而且職級夠高，所以一直啲女人未停過。到佢後嚟入咗行，亦做返以前老本行嘅崗位， 所以好入型入格， 加埋識埋啲人都好幫到手， 大家都好尊重佢。
相關閱讀：星8卦丨「大少」虐待「嬌嬌」遇上「大爺」相逢恨晚愛得痴纏
好似「妹妹」同佢做過下節目，細成20年就覺得「禿頭」好博學又夠man， 連第一次俾埋佢都覺得好好彩， 但最終佢只係「禿頭」開口埋口話呢啲咁好嘅女仔對自己都無要求。同期就係「長面」，佢一直都以才女自居， 睇唔起圈中男人， 覺得自己矜貴啲，「禿頭」呢個男人仲係佢倒追番嚟， 但又成日覺得自己夠魅力成為佢唯一一個。
話說有晚風雨交加，「禿頭」車住「妹妹」返佢屋企諗住開心下， 點知「長面」伏係大廈停車場門口， 飛撲埋去「禿頭」架車頭， 披頭散髮令到「禿頭」以為撞鬼， 更估唔到「長面」癲咗咁拉「妹妹」落車一巴二把打落去， 仲係好恐怖咁大聲尖叫， 完全失晒控， 大鬧佢搶自己男人，「妹妹」好可憐咁又喊又求饒， 要驚動看更卽刻報警。
件事之所以無俾人知， 全因為「長面」夠手段將所有嘢㩒住， 但「長面」之後梗係即刻被飛，「妹妹」到而家仲係迷戀呢種渣男，真係冤孽。
其他文章：
星8卦｜「清秀」痴戀「導演」被趕出門口 錯愛「偽君子」被騙身家
星8卦｜「高瘦」被阿媽逼嫁入豪門 奶奶自出自入無私隱搞到情緒病
星8卦｜「霸姐」食盡小鮮肉想定落嚟 招惹「扮嘢」痴戀唔敢落疊
----------------------------------
緊貼最新最快新聞資訊，請立即下載星島頭條App：https://bit.ly/3Q29Vow
