何太指何伯暫住公屋質疑要加名無理？呻香港屋細難捱：畀機會我返大陸發展仲好
發佈時間：23:05 2024-06-08
何伯與何太因接受《東張西望》訪問而「成名」，為「追討」何伯細女取走聯名戶口內450萬元，更不時在抖音直播，曾揚言要成為網紅帶貨賺生活費。而自言有450萬積蓄的何伯，於何太的公屋單位居住引來網民質疑，加上何太被指在內地有物業，惹來房署調查，證實何伯非公屋租戶。何太就事件今日（8日）於抖音粉絲群組回應網民質疑，更透露原來何伯現時於內地長住。
相關閱讀：何太遭房署調查首洩心聲！無懼被收樓「屈就住公屋㗎咋」 囂張回應：查我仲歡迎添！
何太回應被房署調查：
何伯曾在《東張西望》透露，本來跟二仔一家居住，但因他再婚而被子女離棄，指二仔更換門鎖，令他有家歸不得，需到何太的公屋單位同住。但由於何太在受訪時多次晒名牌及名貴首飾，並疑在直播中透露自己在內地有物業，加上何伯仍堅稱是450萬元的擁有者，因此被網民質疑是否違反公屋租戶條例。房屋局常任秘書長兼房屋署署長羅淑佩昨日（7日）受訪，指房屋署會作出調查，何太都有關注事件，今日於抖音粉絲群組作出回應，指何伯只是暫住她的公屋單位，她以激動語氣表示：「你哋個何伯冇喺度長住，憑乜嘢加名，正確嚟講係法律唔容許，明唔明白呀？」何太又稱歡迎房署查她在其他地方有沒有物業，「佢全世界查我都歡迎呀！」並指：「你真係搞笑，我都話行得正企得正，我合規合法，佢憑咩收呀，佢要有理據先收得返！」又請網民不用擔心，「我會處理啦！」
相關閱讀：何太昨直播自爆內地有間屋！有一煩惱待解決 羅淑佩今證何伯非公屋住戶高調跟進
對於疑有網民向房署投訴而令她被調查，何太指明白排公屋艱難：「咁唔怪得你哋心理唔平衡啦，見我排嗰6、7年就攞到公屋，所以就唔抵得人啦，好多人都係你呢啲人呀，比你仲乜嘢嘅思想都有啦，睇到間公屋好似條命咁，屈就住吓咋，我有條件使住呢啲公屋咁窄？」
何太陳年舊照曝光？
何太指何伯長居內地
近來何伯與何太不時中港兩地走，幾乎日日都被網民捕獲。何太透露，何伯現時在內地長住，並非長居於她的公屋單位，至於何伯回港後大部份時間是否住在她的公屋單位內，何太沒有詳述。何太表示：「唔通過嚟一兩日都要加名？符唔符合先呀？嗰個房屋署，唔喺度長住佢畀唔畀你加名呀？真係搞笑。」不過翻查香港房屋委員會網頁，有提供下載「有條件暫准居住申請書」，而據何伯的情況，估計已合條件申請「暫准居住」，不過網民根據何太的言論推測，她對於可以申請「暫准居住」毫不知情。而何太亦透露，下一步打算與何伯回內地長住。
相關閱讀：何伯何太現身旺角搵法援？當街身貼身勁親暱 網民激讚羅淑佩：做到嘢
重組何伯何太相戀時間線：
何太大呻難捱情願返內地
何太曾透露，與前夫住過劏房，今日她亦在抖音粉絲群組分享住劏房的感想，何太指：「嗰陣時我啱啱落嚟香港，住嗰啲劏房，我真係焗到我唞唔到氣，好逼好窄，我真係好驚呀！呢度係捱㗎咋……喺香港，呢度公屋又係，咁窄，邊個願住呀如果唔係有困難，經濟唔穩定邊個想住先？」對於有可能被收回公屋，何太指情願回內地生活：「有一個人叫我返大陸，講真，而家不知幾多明星都返內地發展呀，佢知冇？而家大陸好差咩，吓？大陸係絕對嘅好，你哋畀機會我走返大陸發展仲好添呀，我仲多謝你哋添呀！」
其他文章：
何太貼老公亡妻遺物照遭圍剿喪鬧！開直播扯火反擊網民：點解你哋要攻擊我？
何太為降低養老公成本回鄉投靠親戚？何伯疑要捱味精湯 大兜「軟飯」食到飽
東張西望丨何伯被何太湊返鄉下避風頭？打風拖兩大篋北上 狂爆子女私隱引爭議
何伯預告返港搵法援！何太狙擊老公細女「最可恥」 稱18歲仔唔肯返大陸
緊貼最新最快新聞資訊，請立即下載星島頭條App：https://bit.ly/3Q29Vow
