星8卦丨「公子」搵名媛姐仔過橋呃父母 被踢爆唔做戲直接出櫃
發佈時間：11:30 2024-06-11
話說富豪界真係太多假鳳虛凰，好似「公子」屋企得佢一個仔，阿爸阿媽好傳統，梗係希望佢傳宗接代。初時佢出嚟行嗰陣， 目標係富二代， 起碼門當戶對， 阿媽鬼咁鍾意「大小姐」， 樣貌好又讀書多。 嗰陣兩個人行埋一齊都可以話係社交界奇話。
相關閱讀：星8卦丨「禿頭」樣醜但識氹女「長面」唔夠「妹妹」爭輸得好失禮
拍咗兩年拖， 「大小姐」突然單方面宣佈分手， 任何人喺佢面前講起呢個男人都唔得。 然後「公子」開始唔搞名媛，轉而搵啲二、三線姐仔做目標。對於呢類明星仔， 覺得「公子」樣唔差，又有豐厚家底，梗係即刻落搭，仲千依百順添。
如是者拍咗三個都係一年就散，連「公子」阿爸阿媽都問佢點解。 而每次分手都係女方做主動， 其中一個仲破口大罵，完全唔驚大家點睇佢，表面大家梗係唔踢爆，但所有畀「公子」追過嘅姐仔都私底下溝通， 話「公子」任何時候都好君子， 偶爾會拖下手仔，連錫下都無嘅，久而久之就明佢係乜嘢人。
最慘「公子」出手又唔大方，拍拖一年半載都無乜好處， 好快就知「公子」唔鍾意女人，唔捨得俾錢但又要利用自己幫佢擺門， 就梗係唔睬你，直到「鬼妹」開晒聲鬧佢唔係好人， 佢終於連戲都唔做，狂追自己傾慕嘅男明星，激到阿爸阿媽幾乎心臟病發。
其他文章：
星8卦｜「清秀」痴戀「導演」被趕出門口 錯愛「偽君子」被騙身家
星8卦｜「高瘦」被阿媽逼嫁入豪門 奶奶自出自入無私隱搞到情緒病
星8卦｜「霸姐」食盡小鮮肉想定落嚟 招惹「扮嘢」痴戀唔敢落疊
--------------------------------
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
