翁靜晶講解「一晚五次」論原來暗藏玄機或與香港婚姻條例相關：原來有人好識法律

更新時間：00:30 2024-06-11
發佈時間：00:30 2024-06-11

76歲何伯與年輕逾30載的何太因高調接受《東張西望》訪問，一段忘年戀掀起的「爭產」事件，成為香港人茶餘飯後話題。何伯與何太更將更多家事公開，連閨房事都分享，何太曾大爆何伯「一晚五次」，暗示何伯性能力強勁，何伯堅稱「一晚五次」沒有說謊。昨晚（10日）翁靜晶於YouTube頻道「危險人物2.0」，亦都談及「一晚五次」論，更指原來這句說話暗藏玄機，以法律角度向網民分析。

翁靜晶以法律角度講解「一晚五次」論：

翁靜晶昨日在直播中談到，早前有人分享的「一晚五次」論，翁靜晶表示：「一晚去起身五次屙尿？一晚五次呢樣嘢，咁點解要咁樣講呢，點解要將呢個能力要去咁褒揚呢？」翁靜晶分析可能性，竟可能跟香港婚姻條例相關，她表示：「香港有一條法例呢叫婚姻條例，呢個婚姻條例就係香港嘅第179章入面嗰個第20條呢，就同呢個五次好有關係。」

翁靜晶：婚姻可以宣布無效

翁靜晶指：「唔好以為一男一女結咗婚代表掂當，原來婚姻係可以宣布無效㗎喎！」條例其中一條提到如果一男一女婚後，沒有行房、圓房，婚姻可以被判無效：「一定要發生咗性行為，完成咗個性行為，你個婚姻先叫有效。咁所以點解咁緊要要講，唔係一次呀，係五次呀、五十次呀，原來原因就係有人好識得法律嘅！」翁靜晶續指，即使婚前有性行為，但婚後沒有圓房，婚姻亦可被判無效，因為法律上列明有任何一方，有任何問題而未能圓房，這段婚姻都可以被宣判無效。而如果夫妻有一方不願發生性行為，都可以成為另一方提出離婚的理由。

相關閱讀：何太疑不點名質疑律師專業翁靜晶：講呢樣嘢嘅人都幾傻

何太疑不點名質疑律師專業？

多種情況或可令婚姻被判無效

另外在香港亦有幾種情況，可令婚姻被判無效，翁靜晶表示如果不是一男一女，例如結婚前不知伴侶原來是女人。此外，近親關係、未成年的婚姻關係、可證明有逼婚成份的婚姻關係等情況，亦可被判婚姻無效，而翁靜晶亦分享一些特別情況，「如果嗰個人同你結婚嘅時候，佢有可傳染性病，你又可以去申請婚姻無效。再加埋一個，如果你係女人，你係大住肚嫁畀個男人，而肚入面個BB，唔係嗰個男人嘅，又可以去申請呢個婚姻無效。呢個真係要好識法律嘅人先知喇，原來結咗都可以畀你申請無效㗎喎！」不過以上情況，必須要在婚姻生效一年後才可提出申請婚姻無效，而婚後不能跟對方有性關係，「即係唔可以公又係你贏，字又係你輸，咁係唔得㗎囉！呢個就可以解釋到，點解要咁強調個圓房嘅問題。因為有人可能就係驚住一陣間，老人家原來根本都冇能力嘅，咁點呢，咁咪即係無效？咁咪好大件事囉，證明即係有人都好熟知法律。」

其他文章：

翁靜晶剖析76歲何伯事件？推翻承繼並非易事《東張西望》訪問片是最好證據

何太昨直播自爆內地有間屋！有一煩惱待解決羅淑佩今證何伯非公屋住戶高調跟進

何太遭房署調查首洩心聲！無懼被收樓「屈就住公屋㗎咋」囂張回應：查我仲歡迎添！

何太指何伯暫住公屋質疑要加名無理？呻香港屋細難捱：畀機會我返大陸發展仲好

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow