王俊棠反駁安德尊斥為搵錢連累同事 否認黑口黑面：條友口水多過茶吹水唔抹咀
發佈時間：13:30 2024-06-12
現年62歲的「大王」安德尊周一（10日）在龍舟競賽節目上，公開寸爆有「御用惡人」之稱的王俊棠「黑口黑面」做鼓手一人累全家，甚至因為掛住搵錢而缺席練水，事隔多日，王俊棠終於開腔反擊：「條友口水多過茶，一於家法侍候，掌佢個咀。」
相關閱讀：安德尊寸爆王俊棠！帶領TVB龍舟隊尾二過終點 怒斥扮大佬兼掛住搵錢連累全家
王俊棠終於開腔反擊安德尊：
安德尊在龍舟競賽節目炮轟王俊棠
在周一於沙田城門河舉行的《沙田龍舟競賽 2024》上，TVB派出職藝員參加無綫盃中龍混合邀請賽決賽，其中包括由去年擔任扒手到今年轉為擔任鼓手的王俊棠，不過最後TVB隊尾二衝過終點，結果安德尊在節目炮轟王俊棠：「佢一人贏全家，一人累身家，佢累晒人哋㗎，佢叫喊令人好炆，佢又扮大佬喎！」越說越激動的安德尊還寸王俊棠只顧周圍搵食而少練水，甚至更説：「鼓手應該要係畀香港小姐坐喺度，等我哋睇住香港小姐划啊嘛，佢嗱口嗱面咁，咁你點同佢拍住呀？」
王俊棠開腔回應因安德尊的批評而嬲
今日王俊棠就事件開腔回應，他坦言未因安德尊的批評而嬲：「做人嘅嘢唔可以咁小氣嘅，人哋點講咪點講，把口喺人哋度，鍾意講乜就講乜！」王俊棠亦稱今次是教練安排他擔任鼓手，他亦否認黑口黑面：「唔係黑口黑面，皮膚黑啲啫，條友口水多過茶，成日吹水唔抹咀，話我累全家，一於家法侍候，掌佢個咀。」
安德尊屢次多言激嬲藝人？
王俊棠是香港航海學校的高材生
另一主持鍾志光介紹王俊棠是香港航海學校的高材生，王俊棠自己很喜歡爬龍舟：「我71年就已經開始扒，喺TVB都扒咗20幾年，我97年入TVB，98年開始扒，我記得好似係關詠荷做鼓手嗰年，試過贏過冠軍嘅，第一、第二、第三都試過，我哋仲喺國際龍舟賽嘅明星挑戰賽事中攞過冠軍，嗰陣都人強馬壯，但係公司嘅人流失係好大，有時以前扒開嗰啲冇喺公司做，咁就變咗冇得扒囉。」
其他文章：
端午節丨龍舟女鼓手比堅尼上陣爆紅衝出香港！晒性感照派福利應節 IG追蹤人數暴升
安德尊親解與「天敵」李錦聯不和傳言 自爆因一事「結怨」：我對佢ok
安德尊太嘈疑似激到李家鼎黑面 直認現場火氣十足：佢都咁大聲啦！
TVB「御用惡人」王俊棠中山豪宅曝光！有大露台景觀開揚 飯廳擺健身器材具空間感
---------------------------------
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
