文頌男逝世丨停工零收工眾籌醫藥費 梅艷芳好友安排專車接送覆診 演藝人協會捐款解困
發佈時間：22:45 2024-07-13
前J2節目《不正常愛情研究所》主持文頌男（Koba）去年確診罕見的尤文氏肉瘤（Ewing's Sarcoma），可惜近日病情轉差，今日文頌男IG張貼其遺言，宣在文頌男離世，終年僅29歲，讓人惋惜。文頌男因患癌而全面停工零收入，更發起眾籌，他之後也收到香港演藝人協會及會長古天樂捐款，上月再獲已故天后梅艷芳生前好友連炎輝伸出援手，安排專車接送他往返醫院，可惜文頌男依然驟然離世，令人惋惜。
相關閱讀：J2患癌主持文頌男病情疑漸趨樂觀？一原因遭網民怒轟：希望畀多啲空間我
文頌男獲得哪人安排專車？
文頌男因患癌而需要全面停工，更發起眾籌；除應付日常開支、醫療費外，因其身體虛弱，覆診亦需要坐的士出入。上月查小欣曾在報章專欄透露，原來連炎輝得知此事後，安排專車接送文頌男往返醫院。之後文頌男亦在IG Story轉發相關文章，撰文多謝連炎輝：「呢段時間真係要多謝好多人，好多好好心幫助我嘅人。最近特別要感謝嘅就係連炎輝先生。佢透過報到了解咗我嘅故事，知道我行動不便，特別安排專車畀我接送我外出。」
文頌男：第一次咁舒服
文頌男表示昨日第一次坐連炎輝安排的專車，感動到眼濕濕：「當我噚日第一次坐上佢嘅車嘅時候，途中我突然好感動有少少眼濕濕，一嚟覺得呢八個月我第一次出去搭車係可以咁舒服，唔需要捱住咁去，我可以瞓喺度等待去到目的地。」
文頌男透露，原來連炎輝本來並不認識他：「第二就係我真係諗唔明白點解會有咁好心嘅人，明明本來唔認識我，都願意提供幫助畀我。我真係好感謝每一個幫助我嘅人，我知道呢啲唔係必然，我係一個眾多癌症病患者入面相對幸運人，我會懂得感恩，希望將來如果好返，可以盡力回饋返社會。呢啲就係每一個幫助過嘅教識我嘅嘢。」
連炎輝去年40周年晚宴群星現身：
連炎輝為TVB在1977年第6期藝員訓練班學員，與呂良偉、黃栢文、廖偉雄、陳玉蓮、廖安麗、劉雅麗等是同班同學。不過不久後連炎輝轉投保險界，有指其好友梅艷芳生前買下的巨額保險都是連炎輝一手包辦。連炎輝去年入行40周年，舉行盛大晚宴，在圈中人緣甚好的他獲得多位名人到賀，包括80年代日本當紅偶像歌手近藤真彥、余安安、胡楓、羅蘭、甄楚倩、蘇志威、顧紀筠、陳敏兒、林國斌、陳潔靈、林海峰、夏永康等等。
其他文章：
J2患癌主持文頌男進行首次電療痛到呻吟 感激獲演藝人協會聯絡提供協助
J2患癌主持文頌男專訪｜上月宣告治療無效 父因情婦拋妻棄子由媽媽獨力撫養成人：我對佢好愧疚
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
