前TVB小生大爆娛圈秘聞！落選佳麗變飯局搞手為花旦定銀碼 自爆曾被男星邀做牛郎
發佈時間：17:00 2024-06-14
61歲歐錦棠先後效力過亞視及TVB，近年亦有參與劇集製作及開設YouTube頻道。日前歐錦棠於其YouTube頻道「乜乜棠水舖」分享娛圈秘聞，大爆有位選美落選佳麗轉做褓母成為「飯局搞手」，專為公子哥兒、老闆介紹電視台花旦，更會將女星一一定銀碼。歐錦棠更透露，連他亦曾被男星好友遊說做牛郎。
歐錦棠大爆娛圈秘聞？
歐錦棠日前以「做藝人真係要陪食飯？娛樂圈公開的秘密！」為題在YouTube頻道「乜乜棠水舖」上載影片，他指曾聽說行內友人分享，圈中有一位「飯局搞手」，歐錦棠說：「我而家講呢個主人公，兩個台都有做過。佢本身係選美出身，當然嗰陣好後生，選到就唔使咁啦，就係選唔到呀嘛！做咗幕後，因為佢選美出身，所以好熟個流程，於是順理成章就做返幕後工作，所謂照顧住啲佳麗嘅褓母喇！」歐錦棠形容這位褓母「拿着雞毛當令箭」，會對知名度不高的藝員呼喝，後來轉到藝員部工作仍不改難頂性格，很多藝人都非常討厭她。
落選佳麗為老闆介紹女仔？
歐錦棠指這位落選佳麗轉型做幕後工作，因有「菜路」而在行內聞名：「介紹好多『正菜』畀出面啲老世，有時啲女同事……嗱，男同事冇份㗎！女同事呢，尤其新入行嗰啲呢，咁你要聽佢話㗎嘛！就算你唔係選美出身都要聽佢話。佢會話『你做呢行要好多人識先得㗎，出面好多啲老闆有好多機會，呢啲機會就係咁嚟』，咁點呢，佢會叫啲女同事打扮得靚啲，化好妝，整靚啲個頭，穿好啲嘅衫，佢又冇叫人着少嘅，着好啲。咁就去食飯，有啲飯局，有啲同事就話佢（出席飯局）有封利是，更多就係話係冇利是。淨係食飯，嗰餐一定係食好嘢。」
相關閱讀：歐錦棠爆拍TVB處境劇最好賺！月入最少XX萬 效力亞視曾做到爆Show賺多近5百萬
歐錦棠爆女星不知情下被定價
歐錦棠指女藝員會被安排坐在老闆身旁，「因為唔係明刀明槍嘅買賣，好多女星都不知就裡。嗰啲所謂老闆個個都客客氣氣嘅，咁你話，用把口嚟食吓豆腐嗰啲就在所難免。」而飯局結束後，這位落選佳麗會安排每位女藝員各自跟一位老闆離開，如果女方拒絕會被她當街大罵，「夾硬推人上車，即係其實係一個訊號，飯就食完喇，你哋溝通好喇，有咩我睇唔到，你哋上車搞掂佢，或者傾掂數咁。」他更指曾聽說這位落選佳麗私下有本簿，內裡寫上一眾女藝員的名字及銀碼，方便用於向老闆「報價」，但當中有不少女星其實都是乖乖女，卻被「擺上枱」，不少行內人都看不過眼：「佢根本就係做一個『王婆』，《水滸傳》、《金瓶梅》入面個『王婆』呀！」歐錦棠續指：「講真，有啲我哋都知，個心都係想出嚟『撈』，真係有啲女同事係咁諗，但呢個係少數。但你見到個簿仔，入面有啲名根本唔係㗎嘛！根本係乖女、一個新人，總之唔理，寫咗名隔離就有個銀碼。佢會報咗個價先，然後佢先落嘴頭睇吓個女仔肯唔肯。」歐錦棠狠批這種行為「影衰」娛樂圈。
相關閱讀：歐錦棠憶拍《烈火雄心II》與元華險冇命：成個身出晒煙咁大火
歐錦棠拍《烈火雄心II》險死？
歐錦棠被前輩力邀「陪客」
歐錦棠更分享自己的親身經歷，指有一名淡出幕前的前輩男演員做中間人，指有位老闆想找他拍廣告，當時效力亞視的他沒有經理人，因此自行到餐廳見老闆商討合作細節。但對方原來另有目的，「佢講講吓就問我『阿棠，你有冇聽過Friday』，佢後來先解釋我聽，源自於台灣，星期五即係好多男仔呢，返工返一至五，星期五晚就做牛郎、舞男喇，即係男版『三陪』，會喺夜店入面做陪客工作。」歐錦棠當下非常愕然，之後對方繼續利誘，指做牛郎便可賺大錢，更指在九龍塘有「架步」，又列出更多做牛郎的好處，都被歐錦棠強硬拒絕。但當時天真的他仍深信有拍廣告的機會，一心等待見老闆。但到場的是一位日本中年婦人，他才得知對方就是想找他做「三陪」的老闆，並非真心想邀他拍廣告，於是他氣憤地離開餐廳。
其他文章：
【黃樹棠設靈】歐錦棠讚棠哥認真演出 曾客串一場武指令全場拍掌
亞視《今日睇真D》《今夜不設防》監製趙汝強離世 歐錦棠視為伯樂
《同事三分親》演員近況！超班咪神嫁人後keep住性感 大配角已移民封隱世富豪
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
