佘詩曼晒近30年歷史CHANEL手袋！「喝止」主持粗魯舉動為男星買Rolex情侶錶

更新時間：19:00 2024-06-14
發佈時間：19:00 2024-06-14

49歲視后佘詩曼去年主演TVB劇集《新聞女王》人氣再急升，被封娛圈「樓后」之一的她，更是名牌「富戶」，過去更曾出私伙手袋拍劇，又被發現有不少珍藏名錶。日前她作客馬天佑YouTube頻道「MUSE TV」，分享買名牌經驗及分享了幾件珍藏名牌。

佘詩曼珍藏名牌逐件睇？

佘詩曼以往不時被拍到一身名牌現身，不少名牌袋不僅價格驚人而且非常難買到，佘詩曼指在YouTube頻道「MUSE TV」接受馬天佑訪問，分享人生首個名牌袋是CHANEL的經典款「CHANEL 1990 mini Full Flap shoulder bag」，價值27,054元。佘詩曼指當時初入行，儲到錢即購入這個手袋，至今有近30年歷史：「九幾年嗰陣買，當然係用咗好大部份人工啦！」佘詩曼分享當年一早做好功課才入店購買，至於選這款的原因是夠經典：「因為classic呀嘛黑色，最易襯啦，第一個緊係買啲易襯衫啦！黑色最大路。」佘詩曼指因為太鍾意，當年幾乎日日都用，而現在亦一直將這個手袋收在衣帽間。佘詩曼一邊介紹之餘，馬天佑一邊開開合合她的手袋，表現得有些粗魯，連佘詩曼都忍不住出聲：「你唔好咁大力添呀！」馬天佑即說「Sorry」怕激嬲視后。佘詩曼分享現時仍有買手袋，但沒有Dream bag，「冇，因為已經買晒！」

佘詩曼拍《新聞女王》2XX元着出霸氣：

佘詩曼最愛這牌子潤唇膏

佘詩曼指自己是不能沒有潤唇膏的人，有朋友留意到，於是約5、6年前送了她一個LV唇膏盒，她亦非常珍惜。而這個Louis Vuitton Monogram Chain Lipstick Case 要價4,820元。佘詩曼更推薦她認為最好用的就是LA MER出品的潤唇膏，甖裝售650元，佘詩曼亦有使用另一款：「佢有出咗個粉紅色stick，同埋有少少薄荷，冇色，我唔鍾意有色。」

佘詩曼愛獨自逛街

佘詩曼指平時喜歡自己逛街，更透露她最常出沒的商場：「我有時買嘢係一個衝動嚟，突然間好想買嘢，我咪行街好快買完就走。啱啱出嚟做嘢最常行就係PP（Pacific Place太古廣場），嗰陣啱啱起好呀嘛！而家就IFC囉！」

佘詩曼執意買JIMMY CHOO高踭鞋

佘詩曼分享曾在逛街時爛鞋，即興買了一對7,800元的JIMMY CHOO Suede Tulle Lavish 100 Pumps，即使當時全身都不襯這對鞋仍執意購入：「我係好鍾意高踭鞋，我屋企係有幾百對高踭鞋，但我嗰日行過，其實我套衫明明係唔襯高踭鞋，但我唔想嘥咗一個quota買一對我唔鍾意嘅鞋，咁我見到呢對鞋好靚呀！買咗，着咗，其實成身都唔襯，但好開心。」佘詩曼指由於自己的鞋碼是37.5，借鞋並不易，因為贊助的牌子都會想將多人穿的碼數留起來賣，於是她不時要出私伙鞋工作。

佘詩曼推介米芝蓮一星食府：

佘詩曼買靚衫等封視后

佘詩曼又拿出2006年首封視后時穿的晚裝，是NINA RICCI出品，價值22,000元。佘詩曼指當年雖然有贊助，但因為選不到心水靚衫，於是決定自資置裝，最終成功封后。而巧合的是，年初佘詩曼憑《新聞女王》三度封視后，她亦是自資置裝：「又係咁啱，唔知點解次次一攞獎嗰年又搵唔啱心水，就係要自己買。」佘詩曼現時大多都是贊助，因為大部份衣服都只穿一次。至於過去買下的衣服，不少都依然堆在家中，部份亦會送給朋友。

佘詩曼因一位男星買情侶錶

佘詩曼展示早年購入價值57,800元的Rolex Explorer 36mm，原因竟是因為木村拓哉，她分享：「因為嗰時我睇《Long Vacation》（《悠長假期》），木村戴咗好有型，咁我就『唔得，我要買一隻』，同埋佢好易襯，簡單啦，都係我鍾意嘅黑色啦！」佘詩曼指當時自己是在店內購買，這隻Rolex至今約有30年歷史。雖然現在仍會買錶，但未到瘋狂的程度，自言不算有儲錶的興趣。但現時沒有特別想買的東西，「因為覺得好嘥錢，因為買咁多嘢，其實唔係用得好多。」佘詩曼更分享曾有朋友做金，有兩個Number她很喜歡，於是入手了兩條金條：「原來好鬼重，帶唔到出嚟。」

其他文章：

「七魔女」拋夫棄仔女拉隊外遊獨缺一人佘詩曼晒長腿搶FO更勝美景

佘詩曼巧遇昔日「死敵」！曾傳爭做TVB一姐而不和自爆共用同一XX

48歲視后減齡Look中環出巡似廿歲妹豬？一舉動震驚內地網民獲激讚零架子

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow