歐倩怡首談與郭晉安離婚原因？玩交友App與六男約會自覺讀太多書反而蝕底：嚇親人

更新時間：13:00 2024-06-15
發佈時間：13:00 2024-06-15

59歲郭晉安在上月初宣布與44歲歐倩怡（Cindy）結束18年婚姻，日前郭晉安接受馮素波的YouTube節目訪問，罕有在離婚後談到家事，但只提及大仔郭令山與細女郭以雅，絕口不提前妻，但他在新劇《金式森林》拜神儀式時被發現仍戴婚戒。兩人一直未有透露離婚原因，只稱已分居兩年，近日歐倩怡接受「Chill Good」YouTube節目訪問，就首次談及回復單身的原因及近況。

相關閱讀：郭晉安離婚後罕談子女近況！大仔吹法國號達演奏級赴英升學細女是舞蹈高手

歐倩怡與郭晉安離婚後首開腔：

歐倩怡接受主持「蝦頭」楊詩敏及連詩雅的訪問昨日（14日）播出，見到歐倩怡心情似乎未受影響，全程展現開朗一面。歌手出身的歐倩怡，2006年結婚後已淡出娛樂圈，專心相夫教子，不過她並沒有浪費時間，經過不斷進修成為碩士，亦考獲不少牌照。同時她還要照顧家庭，除親自買餸外，還會負責接送子女上學，當時經常要一天駕車八次來回西貢與九龍，基本上每天只睡四小時。已有船牌的歐情怡想考飛機師牌，再考瑜伽導師牌，試試40幾歲人可否做拱橋動作。

歐倩怡鍾情幽默男士

提到現已回復單身，歐倩怡自爆有玩交友App結識男士，更試過與當中六名男性約會，她大方說道：「唔知有冇聽過，女人真係唔好讀太多書，真係有啲男士係會驚你，講個秘密畀大家知，最近開始玩交友App，portfolio寫自己咩咩咩，勁得滯係嚇親人，所以盡量簡單啲！不過原來鍾意運動嘅女人，係原來多啲人like。」歐倩怡透露試過約高大靚仔見面吃午餐，對方更承諾會買電腦給她，但最終連續兩次爽約，難怪她笑言在交友App中超靚仔的多數是「伏」，後來她約了五位樣貌較平凡的見面，有些都可以繼續做朋友，她笑言：「好多一出嚟都會扮唔認得我，後來又不斷搵鏡頭以為會偷拍。」歐倩怡又指做運動的女士較受歡迎，自己則會被幽默男士所吸引。

她解釋其實因為自己16歲出道，一直有經理人照顧，因此自己的人際關係和社交手腕比較差，加上近一年在中醫診所工作，開始接觸社會，希望藉此擴闊生活圈子之餘，也當作實驗性質，認識其他不同行業人士的生活。對於未來的對感情事，歐倩怡坦言一切隨緣：「冇所謂，有啲七老八十先遇到真愛喺埋一齊啦，緣份擋唔住，要走又挽留唔到，人生就係離離合合，生老病死。變成而家呢個（豁達的）我，因為我40歲有一個經歷。」

相關閱讀：郭晉安歐倩怡離婚丨郭晉安曾認戴綠帽！戀劉小慧被狠飛女方移情蘇志威