歐倩怡疑被《流行都市》主持暗寸？驚訝有人講「女人唔好讀咁多書」玩交友App忌做純純兔

更新時間：20:00 2024-06-19
發佈時間：20:00 2024-06-19

歐倩怡（Cindy）5月時突然宣布與郭晉安結束18年婚姻，更透露2年前已經分開生活。近日歐倩怡公布離婚消息後首次受訪，透露回復單身後玩交友App，曾與六男約會，更因一句「女人真係唔好讀太多書」而引來批評，歐倩怡要在IG親自回應網民滅火。《流行都市》主持宋芝齡今日（19日）在IG不點名評論一位離婚女星的言論，疑似暗寸歐倩怡。

相關閱讀：歐倩怡談前夫惹負評！炫耀學歷被狠批高EQ回應突反讚郭晉安：佢係好好

宋芝齡疑評論歐倩怡言論？

歐倩怡日前接受「Chill Good」YouTube節目訪問，她分享玩交友App的經驗，「唔知有冇聽過，女人真係唔好讀太多書，真係有啲男士係會驚你，講個秘密畀大家知，最近開始玩交友App，portfolio寫自己咩咩咩，勁得滯係嚇親人，所以盡量簡單啲！不過原來鍾意運動嘅女人，係原來多啲人like。」疑似炫耀自己的學歷，被網民指自視過高。事後歐倩怡親自回應網民滅火：「其實我都知我好渣㗎咋，好多嘢都唔識，同無記性。嗰個純粹係節目效果。學海無涯啊！」至於她在節目中指多次在約會前改時間地點，亦引來批評，認為她的行為不尊重約會的對象。歐倩怡回應網民時亦透露只玩了交友App一個月，純粹出於好奇。

宋芝齡言論矛頭疑直指歐倩怡？

宋芝齡今日在IG分享，有留意一位藝人說自己離婚、回復單身的近況：「內容提及自己嘗試接觸網上交友app，在Profolio上，填寫自己的高學歷，以她幾次的經驗所得，是會嚇怕身邊的男仔的。以她認為的總結，女人真係唔好讀咁多書……吓？如果唔係嚇親男人……吓？」雖然宋芝齡沒有指名道姓，但不少網民都認為她正評論歐倩怡的受訪內容。宋芝齡續指：「但以我所看，可能這位同事最近先學習玩交友app，未清楚其實網上的虛擬世界是極之虛幻的。9.5分飄、0.5分實，與學歷沒有正面的關係。對於這方面我個人有點睇法，如果正常人以正常的邏輯思維去接觸現時的虛擬世界，那麼無論是男或女一定要小心、小心小心小心再小心，不要做純純的小白兔。電視的宣傳片，警方都有經常提醒：提子、提子、提防騙子！」更指考慮開辦多些相關女性的交流座談會，提升自我、緊貼社會。