Frankie@MIRROR陷出軌風波終發聲 女友曾自爆做第三者：玩厭一定爆畀佢條女知
發佈時間：15:04 2024-06-20
MIRROR成員陳瑞輝Frankie（皮皮）去年平安夜公開新戀情，近日新女友Christy日前「上水」親回男友粉絲，不斷被爆黑歷史，更疑似做第三者。事件發酵數日，今日（20日）Frankie終於在IG Story回應事件，澄清並無出軌，又指自己近日變得自信，多謝粉絲體諒，會繼續做好自己：「我開心大家最近睇到我嘅轉變，睇到我自信咗，開朗積極咗。」
相關閱讀：MIRROR成員Frankie新歡被狂揭黑歷史？疑自爆曾被另一鏡仔力追 舊愛一舉動似有暗示
Frankie回應出軌風波？
MIRROR成員陳瑞輝Frankie今日下午約2時半，在IG Story已IG發文澄清自己並沒有出軌：「最近一啲有關我私人生活嘅報導，為皮寶寶同支持我嘅你哋帶嚟困擾，我好抱歉。同時都想澄清，我係喺上一段感情結束後，先正式開始而家呢一段關係，希望大家唔好再作猜測。」
Frankie感謝粉絲體諒
Frakie同時表示最近變得自信、開朗、積極：「另外，以前嘅我，唔了解自己好睇嘅地方，喺舞台放鬆唔到，冇信心。我開心大家最近睇到我嘅轉變，睇到我自信咗，開朗積極咗，打開咗自己，畀到更多好睇嘅自己大家睇。我知道呢啲注意絕對得來不易，我嘅轉變我感受到，我知道大家都感受到。」
最後他向粉絲「皮寶寶」表示：「最後，感謝你哋嘅體諒同支持。我會繼續進步，繼續做好，成為一個更好嘅自己，去報答所有皮寶寶同支持我嘅你哋。再次感謝大家。」
Christy疑自爆做第三者？
Frankie女友曾自爆做第三者
另外，Frankie女友Christy又有圖片流出，為她之前只限密有查看的IG Story，見她Deep V與一個男子合照，並留言自揭：「其實我真係志在有個人陪下我周圖去，𠱁吓我㗎咋。」接着竟然自爆做第三者，並揚言玩厭就會踢爆：「我都覺得做佢條女真係好X陰公，佢哋仲要就嚟五週年，繼續若無其事咁慶祝扮恩愛。我玩厭之後一定會爆畀佢條女知，再咁畀人呃落去真係好慘，即管睇下邊個識玩啲。」
其他文章：
麻甩媽咪丨Frankie升級做影后老公兼提早做阿爸 Tiger奉命追Gao大讚女方有禮貌
MIRROR、ERROR拍檔演出 Stanley騷肌重任交俾肥仔 練定韓文同Jessica溝通
陳瑞輝Frankie出新歌剖白內心世界 否認被團欺與Ian最啱key
緊貼最新最快新聞資訊，請立即下載星島頭條App：https://bit.ly/3Q29Vow
