文頌男逝世丨上月底曾大呻住公院似坐監 稱被拖症致怪病纏身：冇錢就等死囉
發佈時間：23:03 2024-07-13
29歲前J2節目《不正常愛情研究所》主持文頌男（Koba），去年10月確診罕見的尤文氏肉，便停工休養對抗病魔，然而近日病情惡化，延至今日下午病逝，終年29歲。文頌男在遺書中透露上月22日開始下半身癱瘓入院，然而文頌男其實上月21日也曾發文指自己剛出院，不過狂呻住公立醫院五日似坐監。
相關閱讀：前J2患癌主持文頌男離世 終年29歲 近日病情惡化今午病逝後事從簡處理
文頌男長文狂呻入院如坐監？
文頌男當時直言在公立醫院住院這五天如同噩夢，他指出首先在公立醫院難以入睡，旁邊經常有伯伯全天候24小時不停呻吟、怪叫。其次是當他痛到叫救命時，卻沒有人能幫他，指護士只會開止痛藥，但經常收到答覆是等待派藥時間。文頌男不滿指：「你試下你劇痛嘅時候，搵到一個唯一應該能夠幫到你嘅人，然後佢叫你等多半個鐘，我仲要劇痛多一排，你諗下你係咩感受？仲要食完藥之後，我起碼要等多個半鐘之後啲藥先開始發揮作用。」
文頌男表示幸好有帶止痛藥入院，再瑟縮個半小時才紓緩痛楚，不如留在家中，反而睡得更舒服。文頌男又投訴在公院想到樓下散步被拒絕，試過哀求負責護士終獲答應讓他散步15分鐘，卻被保安送返病房，結果不能外出，「我就好似坐監咁，淨係可以喺間房入面瞓。其實我都係想等對腳可以活動下啫，唔使好似坐監咁呀嘛」。
相關閱讀：文頌男逝世｜逝世前3個月受訪 樂觀面對「治療無效」 憶父因情婦拋妻棄子由媽媽獨力撫養：對佢好愧疚
文頌男不滿未能找出痛楚原因
最終文頌男住院五日，院方卻找不到他上右背痛、右頸痛、後腦右邊頭痛、咀嚼無力、右邊舌頭無力的原因。文頌男又抱怨公院不肯為他照MRI，只是隔日為他照一次X光及CT，認為此舉根本看不出任何異樣。他又指每天都期盼醫生早上來講解報告，結果對方只會問他：「仲痛唔痛呀」、「而家有幾痛」、「有冇入嚟嗰陣咁痛」，文頌男形容每天只能見醫生一次，但對方就似急趕離開，「佢就一路隻腳向住門口行，好似好唔想答我、好趕住走咁。」文頌男補充指明白公院人手不足，但這幾天令他明白很多人都已經說過，甚至親耳由醫護口中聽過的老生常談：「有錢就有得醫，冇錢就等死囉」。
文頌男患罕見癌症：
文頌男指第一次聽到這種說話時，正是他劇痛得睡在病床覆診時，「而當時我係再一次畀個醫生拖我症，我嚴重到咁嘅時候，佢仲同我講，叫我兩三個禮拜先後再返嚟覆診再睇吓，我當時係已經覺得自己冇可能撐到多過兩日，然後我聽到呢句說話嘅時候，嗰啲眼淚係不自覺流出嚟，完全停唔到。」他又指其實不是埋怨公立醫院，而是埋怨自己「點解自己咁窮」，認為一早去私院就可能早點得到適切治療，「唔使因為拖症，而令到我嘅狀況嚴重咗好多。其實由我劇痛，到我入院不停做好多唔同檢查，而嗰啲檢查係不斷拖不斷拖，去到我身體出現咗好多唔同症狀，例如開始行唔到、排洩功能出現問題，先至可以做到治療。」
文頌男望公院服務可改善
最後他又指雖然住在公院有很多不愉快經歷，但都感謝每一位醫護人員的付出，希望公立醫院可以有改善的一天，令普通市民都可以得到最快捷最適切治療。不少網民都表示明白他的苦況，亦有人與他有類此的遭遇，希望他好好加油，但同時有人指公、私營醫院派藥的過程其實分別不大，「因為姑娘要問過醫生，先至可以開藥，開藥又要經過藥房…又等一段時間。」另外還有人留言稱：「首先你唔好有個mindset係西醫可以醫到你先，咁就唔會存在公立私家嘅分別」。
其他文章：
J2患癌主持文頌男再度入院 早前獲兩猛人援手 怕再被罵急解釋發長文原因
J2患癌主持文頌男獲梅艷芳猛料好友安排專車接送覆診！撰文感激：明明本來唔認識我
J2患癌主持文頌男病情疑漸趨樂觀？一原因遭網民怒轟：希望畀多啲空間我
J2患癌主持文頌男進行首次電療痛到呻吟 感激獲演藝人協會聯絡提供協助
