星8卦丨「男主角」唔鍾意出街賴老婆妻管嚴扮無奈小男人

更新時間：11:30 2024-06-25
發佈時間：11:30 2024-06-25

「男主角」嘅性格多缺憾成世都唔會改，難得拍套戲大收，但就得罪晒全世界，人哋開續集，原裝班底開開心心再拍，唯獨飛起佢，可以話落敗而回，從此都冇無得返去撈。

「男主角」娶咗嫩妻之後，做咗多仔公，佢就開始收埋自己，乜嘢朋友搵都唔出嚟，就算出嚟都帶埋老婆，幫佢營造一個跟得老婆嘅形象，目的有乜事都係搵老婆頂，衰嘢係關女人事，同自己無關！其實係「男主角」天性都比較懶，佢見老婆私幫生意做得唔錯，詐詐諦諦話自己老來得子，鍾意留喺屋企湊仔，老婆仲後生，搵錢又易過自己，所以做住家男。

朋友搵自己就話老婆唔鍾意自己出去襯，而家係妻管嚴，口口聲聲話老婆鍾意做跟班，事實係佢每次出街都同老婆講要一齊出去，費事俾啲朋友纏住返唔到屋企，老婆見你咁顧家，梗係樂意配合，每到咁上下時間叫老婆開聲話要陪仔瞓覺，搞到班兄弟對阿嫂嘅印象唔多好。

「男主角」份人就係咁，心胸狹窄唔在講，仲要成日唔抵得同期嘅人開始比自己好，朋友已經唔多，仲要斤斤計較，將自己小器乞人憎嘅行為鋪排一個故事擺老婆上枱，所以成班閨蜜都好氣忿「男主角」呢啲劣行，但鬼叫老婆好愛「男主角」，大家都無晒符！

其他文章：

星8卦丨男人愛後生女幫忙傳宗接代導演一二號棄糟糠一齊做老豆

星8卦丨「高妹」扮鍾意女人呃「小姐」好食好住唔捨得分手

星8卦丨「公子」搵名媛姐仔過橋呃父母被踢爆唔做戲直接出櫃

星8卦丨「禿頭」樣醜但識氹女「長面」唔夠「妹妹」爭輸得好失禮

星8卦丨「大少」虐待「嬌嬌」遇上「大爺」相逢恨晚愛得痴纏

星8卦｜「清秀」痴戀「導演」被趕出門口錯愛「偽君子」被騙身家

星8卦｜「高瘦」被阿媽逼嫁入豪門奶奶自出自入無私隱搞到情緒病

↓立即下載星島頭條App↓