89歲羅蘭見暈仍死頂拍劇！被爆凌晨收工只休息幾個鐘 遇司機唔停車狂呻：我好嬲
發佈時間：21:00 2024-07-07
羅蘭今年將迎來90歲，仍繼續拍戲，令人佩服。日前梁思浩在IG透露，羅蘭分享自己年事已高，拍戲常NG因此有些疲累，梁思浩主動找劇組幫忙，希望羅蘭可有更多時間休息，而早前江美儀亦在梁思浩的YouTube節目《娛樂好好玩》中，大爆羅蘭曾抱病拍劇見暈也不出聲。
相關閱讀：92歲胡楓澳門Show多位巨星登場！託張繼聰照顧羅蘭 張家輝變「學友AI」？
羅蘭抱病拍劇見暈唔出聲？
羅蘭身為影后及老前輩卻完全沒有架子，向來深得後輩尊敬，羅蘭不時在影視作品中演又惡又難相處的老人，但現實中其實非常友善，更常因不好意思而啞忍各種安排。早前梁思浩在IG分享於TVB巧遇羅蘭，問候對方為何看起來很累的樣子，羅蘭表示：「可能自己記性唔好？NG多了。」梁思浩認為羅蘭應該多休息：「你已經90歲，好叻好叻，叫劇組將就吓啦！羅蘭姐真係好，佢猛咁話：『唔得唔得，唔可以阻住劇組！』」但梁思浩都不忍心，於是找劇組的導演盡量幫忙：「羅蘭姐已經90歲，時間上盡量就下佢啦，早啲拍完佢早啲放佢返屋企休息，台詞方便用鏡頭遷就吓，唔好令羅蘭姐有咁大壓力！麻煩晒你，羅蘭姐係前輩，我哋後輩要盡力幫佢忙，娛樂圈冇幾多個90歲仲肯幫你拍戲㗎！好好地錫住佢啦！老人家係愛嚟錫㗎！」導演即表示會盡快拍完讓羅蘭下班。
羅蘭89歲生日飯敘：
羅蘭抱病拍劇感暈眩
梁思浩在YouTube節目《娛樂好好玩》中再次分享事件，作為嘉賓的江美儀亦指羅蘭性格不想麻煩到人，因此自己有需求都甚少提出，寧願自己啞忍。江美儀分享羅蘭曾在一套作品中演她的媽媽，羅蘭感冒的情況下繼續拍攝，但期間感到暈眩，江美儀上前關心，但羅蘭仍怕延誤到劇組進度而不把身體狀況通知工作人員。
相關閱讀：無限楓騷演唱會2024丨胡楓親邀羅蘭任表演嘉賓獲封「舞王」 蘇永康中招要睇中醫治療 張繼聰為新戲練鋼條身型
江美儀爆羅蘭截車被誤會是鬼魂
江美儀指很多似羅蘭這些年紀的演員，有時更要面對非常辛苦的工作時間表：「有時我哋（拍攝）會over（超時），過咗12點，有時凌晨2、3點，但望望個通告，原來聽日佢06（早上6時開工）。但你知老人家佢哋唔會搭的士，佢哋會等車，佢哋真係返去唔瞓，落咗個妝，因為一瞓就驚起唔到身，因為開06，佢凌晨4點仲等緊巴士，即係返屋企洗個面又出返嚟，所以其實係辛苦嘅。」江美儀更分享羅蘭凌晨收工，疑被巴士司機誤會是鬼魂而不停車一事：「咁羅蘭姐唔搭的士，咁就等巴士啦，咁咪企喺度，架巴士嚟咪咁樣（緩慢揮手截車），架巴士唔停，佢好嬲！佢返化妝間同啲化妝姐姐講『佢唔停畀我』，跟住個個笑，佢話『你哋笑呀？我好嬲呀』。」
重溫羅蘭經典作品：
其他文章：
胡楓92歲生日派對片曝光！羅蘭似女主人企隔籬 33字回應緋聞：你信唔信吖？
87歲EYT元老杜平疫後首返港！宴請飯敍星光熠熠 胡楓羅蘭緋聞遭取笑心有靈犀
胡楓92歲生日！千人大合唱賀壽 四曾孫出場加有「緋聞女友」羅蘭相伴
