吳若希老公疑偷食繼續嬲爆瘋狂單打 借肌肉小生過橋：想車契仔返工
發佈時間：21:00 2024-07-09
現年32歲的吳若希今日在IG連環發文公審老公何兆鴻（Alex），質疑老公偷食女同事，直指Alex對女同事管接管送，更上門簽約。連環出post後似乎吳若希仍未洩忿，繼續在IG狂寸老公，接受訪問回應更句句有骨。
相關閱讀：吳若希爆老公殷勤接送女員工 貼文公審：趷起條尾就知你做咩啦
吳若希又寸爆老公？
吳若希今日大爆老公對女員工管接管送，孖住一齊搭地鐵返公司，她公開與老公的鬧交對話截圖，更表示：「Touch wood真係要成就人哋一對眷侶嘅話，我起碼有能力養起一頭家畢竟最愛既都係一對仔女。」
吳若希今晚約7時許，又再繼續在IG單打老公，先貼出自己與張馳豪的TVB報道，留言說：「想車契仔返工，就算佢住大嶼山都車。」之後又再轉貼她今日鬧爆老公的報道說：「好威威啊！唔單只係世紀好老闆，仲可以做世紀好老公添。」句句有骨，明寸老公Alex。
相關閱讀：反黑英雄丨吳若希見到張馳豪晒麒麟臂想收做契仔 同林峯內地有商演棄檔期畀李龍基開騷
吳若希：何生心地善良
吳若希又有Threads發文，繼續寸爆說：「做咩啫？有班男人衝出黎話我怪老公。邊有？我仲幫佢搵埋理由。何生心地善良，接送女下屬上下班直頭正常啦！請女同事返嚟做文書嘢，自己都要跟住去做咁親力親為，我一啲怪責佢既意思都無啦～呢啲動作一定唔係要flirt女下屬！唔準你地誤會何生！更加唔準你地話我責怪佢！我就係支持！先同你哋講，第時見到何生係出面同條女一齊唔好誤會。」
吳若希常現「惡妻」一面？
今日吳若希事件爆出後，她回覆傳媒提到老公時依然寸爆，表示自己無鬧過老公：「唔車個仔返學，車條女返工好正常。」還說個個父親、老公都是這樣：「佢邊度有錯啫？佢唔會錯㗎，我唔會怪佢呀！」
吳若希老公準備跪鍵盤
吳若希老公Alex則表示很清楚自己與老婆的性格，工作外也要抽時間抽考𠱁太太：「作為佢老公，佢的終生伴侶，明知道佢係一個凸嘅人，所以我會選擇去做凹嗰個。」還直言會「尊重老婆，尊重屋企。」至於今晚要否跪玻璃，Alex則大賣口乖說老婆好好，可能一兩個小時後就會忘記：「就算記得都係跪鍵盤啫。」
其他文章：
吳若希32歲生日晒Hermès限量版手袋！與天王同款至少值30萬 曾只愛背囊變富貴
吳若希囡囡正面激罕曝光！眼大大似媽咪被讚靚女 曾為保護愛女樣貌鬧爆網民
吳若希月內兩度遭偷竊！公開閉路電視向賊人喊話：希望幫你過咗難關先
