冲遊泰國丨波波黃婧靈赴泰拍攝率先晒水着多件索爆戰衣有低胸有喱士內衣

更新時間：13:35 2024-07-12
發佈時間：13:35 2024-07-12

由「泰國通」胡慧冲主持的TVB Plus（82台）長壽節目《冲遊泰國》再添食，即將開拍第10輯！今次除了有胡慧冲和冬蔭家族成員參與拍攝外，還邀來「新一代咪神」黃婧靈（波波）強勢加盟！波波昨日（11日）已從香港出發，到泰國曼谷拍攝。

波波黃靖靈拍《冲遊泰國10》大解放？

問到有份參與新一輯《冲遊泰國》心情，波波受訪時說：「好開心可以參與呢個節目，好多謝公司畀呢個機會我，同埋好期待可以向泰國通胡慧冲學嘢！」問到此行會否水着「泰」解放？波波興奮地說：「呢個一定啦，陽光與海灘喎，絕對唔可以嘥咗呢個機會，已經準備定水着帶去泰國，至於帶咗幾多套泳衣？呢個就賣下關子先，大家到時睇咪知囉！」提到最近有網民指她發福，問到會否怕美食當前增磅？波波笑言：「我會努力保持最佳狀態㗎喇，至於美食方面就只好淺嚐，唔會食太多，做藝人始終都要身材管理一下。」波波都有在IG Story分享拍攝花絮，更見到她穿上紅色泳衣在無邊際泳池打卡，更見到她的裝束有粉紅色低胸露肩衫，與及一件白色綁帶襯喱士內衣。

波波黃婧靈性感靚相：

胡慧冲預告為波波多拍碧波暢泳

對於《冲遊泰國》開到第10輯，胡慧冲受訪時大嗌感恩：「好多謝TVB，可以畀我一個節目做咗10輯咁多，不過開心嘅同時亦有啲擔心，今次會唔會係《冲遊泰國》嘅結局篇？定係之後會踏入第11輯？呢個真係唔知，所以要繼續好好地做好個節目！」問到今輯行程？胡慧冲透露：「今次因為有波波出現，梗係要安排啲碧波暢泳嘅場面畀佢啦！之前無論冬蔭妹也好、叉燒姐玲玲也好，去親芭提雅都特別受大家歡迎，所以希望今次去芭提雅都會繼續受歡迎，之後仲會去一個叫大城府嘅地方，之前好多輯都想去嗰度，但結果都係冇去到，希望今次真係去到啦，同埋曼谷梗係唔少得啦！」胡慧冲又預告冬蔭家族會再添新成員，但就「講啲唔講啲」謂：「究竟係美男定係大美女？定抑或係又男又女嘅雌雄同體呢？呢個大家到時就會知！」

其他文章：

濠玩夏水禮2024丨六位TVB咪神泳裝放題！余思霆林鈺洧三點式上陣與波波比拼盪漾感

「TVB咪神」波波黃婧靈中空裝晒豐滿身材靚裙胸前X形設計更凸顯上圍

濠玩夏水禮2024丨TVB小花泳裝鬥晒身材！波波偷食被斷正東張女神變小拳后