秦沛女兒姜麗文結婚因一事崩潰爆喊 做人妻兩年披露生育計劃爆爸爸反應
發佈時間:21:00 2024-07-13
![秦沛女兒姜麗文結婚因一事崩潰爆喊 做人妻兩年披露生育計劃爆爸爸反應](https://image.hkhl.hk/f/1024p0/0x0/100/none/79d1890d367c5c57b96183b0a9467cd5/2024-07/22__0.jpeg)
秦沛38歲女兒姜麗文2010年與哥哥姜文杰以兄妹檔闖樂壇,近年簽約TVB仍未有忘記歌手夢,近日還推出新歌《要說快樂太虛偽》。最近姜麗文接受商台節目《星光背後》梁泰來專訪宣傳新歌外,近日補辦婚禮的她亦分享成為人妻後的轉變,更透露四年前因婚禮被迫取消而崩潰爆喊。
相關閱讀:秦沛女兒罕晒火紅泳照!同行男士極神秘「唔肯露面」 剛補辦婚禮老竇個樣幸福過女婿?
姜麗文早前曾與鄭俊弘拍拖,分手後一度陷抑鬱。2017年姜麗文認識現任圈外老公柏豪,2022年在美國結婚,當時雙方家長只能在網上見證,今年姜麗文終於補辦小型婚禮,在爸爸秦沛見證下,正式成為人妻。姜麗文在節目中透露,2019年接受圈外老公柏豪求婚後原定翌年行禮,奈何因疫情而一波三折,不過爸爸秦沛從未不滿和催促:「爸爸反而話不如唔好咁快結婚,佢唔捨得。」
相關閱讀:姜麗文補辦婚宴照曝光 穿婚紗向爸爸斟茶 秦沛盛裝亮相全程望愛女甜笑
姜麗文更坦言曾因婚禮阻帶而痛哭:「個陣喊咗好多日!結婚前五日先因為疫情取消!當時係2月,香港1月爆covid。不過而家慣咗,反而慢慢嚟仲好,可以不停慶祝。今年3月我哋補辦咗個小型婚禮,同長輩們簡單慶祝,雖然已經結婚兩年,但著起放咗四年嘅婚紗感覺好唔同,最難忘係斟茶畀爸爸,見到佢眼濕濕,我就忍唔住喊。」
姜麗文更多靚相:
轉眼間姜麗文已經成為人妻兩年,她笑說第一年仍不習慣夫妻稱號:「第一年我仲係好怕醜,完全唔慣畀人叫老婆,過左兩年先慣,而家連電話來電都改咗唔係柏豪喇,係老公,哈!」至於生活上轉變,姜麗文表示:「個人平靜咗好多,同埋本身都鍾意留喺屋企,而家就更鍾意,除咗做嘢之外都唔出街。」
姜麗文與老公更做家務、煮飯的分工:「好奇怪,唔知點解我好鍾意做家務,可能因為我媽咪係日本人,所以我都好鍾意呢種『老婆仔』嘅生活。而煮飯,大家估唔到其實西餐係老公煮,中菜多數係我煮。」不過談到生小朋友的計劃,姜麗文則指他們希望順其自然,稱:「結咗婚反而無咗個rush,之前未結婚會想生,而家就唔想有太多pressure。同埋顧及事業,我哋都有避孕,暫時都唔會生住,爸爸秦沛都無催想抱外孫。」
其他文章:
秦沛79歲生日孝順仔女晒相祝賀!玩越野電單車勁型仔 近年減產長居加國享清福
78歲秦沛飲新抱茶!大仔姜文杰補辦婚禮 新娘雙臂戴滿龍鳳鈪金光閃閃
姜麗文結婚丨曾與鄭俊弘拍拖6年分手陷情傷患抑鬱 獲爸爸秦沛支持走出陰霾