前港姐季軍患怪病令血液不流通 手腳冰冷身體似雪房：手指好似想逐隻甩出嚟
發佈時間：13:40 2024-07-14
現年67歲、79年港姐季軍鍾慧冰的人生可謂經歷了不少起跌，當選港姐季軍後，鍾慧冰參演過不少電視劇和電影之演出，後來開設公關公司，其後又與圈外男友結婚，淡出幕前專心相夫教女，但因金融海嘯變雷曼苦主兼與前夫離婚，殊不知又患免疫系統疾病，鍾慧冰要用類固醇保命，因血液不流通導致手腳冰冷，不單感覺像冰房一樣：「啲手指好似逐隻甩出嚟咁變晒紫色！」
相關閱讀：前港姐季軍患怪病「買定骨灰龕」 曾淪雷曼苦主決心與出軌夫離婚：做人要靠自己
鍾慧冰人生可謂經歷了不少起跌：
經歷完大病的鍾慧冰，近年復出人前，試過拍劇和主持綜藝節目，最近還開設YouTube頻道「冰姐的花樣人生」，近日鍾慧冰在訪問上重提2016年間突然患上罕見免疫系統怪病「血管炎」，鍾慧冰稱本來因有線電視要重組而令她有一個長假期，於是立刻預訂遊輪旅行，殊不知翌日起床時，右腳突然沒有知覺，之後發現右手亦出事，之後整個人滑到地上，立刻叫白車送入醫院，留醫兩星期證實患上血管炎，鍾慧冰說：「呢個病令我血液唔流通，啲血去唔到手指同腳趾，嗰種凍係你想像唔到，啲手指好似想逐隻甩出嚟咁，你就要諗點樣保暖，屋企以前係地板，我變咗地毯，之後我將床轉咗艾灸床，再用紅外線照住，我諗係保暖做得好，令我初頭要用兩技拐扙先行到路，之後變用一枝就得，之後就展開我醫生之旅。」
鍾慧冰當年每天要看三個醫生
鍾慧冰當年每天要看三個醫生，她說：「你講得出，或者諗唔到嘅醫生我都睇過，仲係只要有朋友話『聽講佢得喎』咁我都去，我唔想死呀，同埋我當時食所有嘢都係苦架，手指郁唔到，食嘢又全部苦，咁嘅人生要嚟做乜？所以我好想好返。」雖然因雷曼事件輸掉一半身家，再加婚姻又出現問題，幸好得「至八會」一班好姊妹支持度難關，鍾慧冰說：「當時我哋好團結，喺嗰段最唔開心嘅時間，我哋一齊去學畫畫，畫畫令我忘記咗好多失敗的痛苦，後尾仲成班一齊舉行咗畫展。」
鍾慧冰女兒得媽咪真傳：
鍾慧冰曾經說過多得好姊妹林建明、毛舜筠等人支持，遠赴到元朗家中為她送暖：「講起毛姐同大姐明都想喊，係無微不至，大姐明又幫我剪指甲剪腳甲，唔係個個做到，好唔話得。毛舜筠介紹好多名醫畀我，因為佢有過紅斑狼瘡，對免疫系統好有研究，教我好多養生飲食同整麵包，疫情經常送麵包畀我食，呢啲真係姊妹情。」經歷過後，鍾慧冰常跟自己說幸運比不幸多，「而家每朝都好感恩！雖然雷曼令我無晒啲錢，但係我仍然生活無憂，其次我婚姻唔開心，不過我個女錫我令我好快樂！」鍾慧冰更認識到一個對她不離不棄的男友：「我差唔多59歲先識到佢，我個病樣得佢肯見我，佢居然喺我病中一直支持我，所以我話畀大家知，唔好放棄，我喺咁嘅年紀都搵到同行之伴！好開心、好感恩。」
其他文章：
鍾慧冰哽咽自揭遭性騷擾！稱前港姐冠軍鄭文雅因飯局離巢：有啲男人好過份
鍾慧冰自揭患血管炎險死經歷！兩徵狀以為中風 入私家醫院樣樣講錢：感覺差
鍾慧冰大爆港姐亞姐評分準則！利智迷到倪匡亂評分令亞視頭痕 揭一類人難做港姐冠軍
鍾慧冰44年前參選國際小姐片段曝光 擁迷人電眼長腿纖腰甜笑震驚網民
