53歲宣萱獲攝影師點名力讚敬業網民竟留言問「有無黑面」引熱議

即時娛樂

更新時間：22:30 2024-07-14
發佈時間：22:30 2024-07-14

現年53歲的視后宣萱向來公認演技一流，而且性格爽朗、重情重義，生活又貼地，向來甚少負面新聞流出，不過一度傳出她是「黑面神」，還與多位花旦不和。近日有自稱攝影師在threads撰文，透露近日與宣萱合作，並大讚視后相當敬業。

相關閱讀︰宣萱沽西貢別墅大賺630萬儲錢11年首次置業變小富婆仍過貼地生活

宣萱因一事獲讚敬業？

自稱曾任職攝影記者、現職廣告攝影師的網民，日前在threads撰文提到近日與宣萱合作：「前排，有個廣告拍攝，主角係一位資深女藝人。電視撈飯嘅年代，真係細細個開始睇到大，都有所期待。」網民一做做好功課，留意宣萱的最新髮型或有無打燈等偏好，又提到不少着高踭鞋的女藝人，在休息或只拍上半身時會用平底鞋，並再敘述當時情況：「拍攝當日，有兩個造型，第一個順利完成後轉妝、頭再換衫。之後埋位試好燈光，當我準備正式影嘅時候，女藝人講咗句：『咪住！我未着高踭鞋。』我就同佢講返，呢個shot影唔到腳，唔需要換鞋。」

宣萱拍攝堅持着高踭鞋

不過當時宣萱卻堅持着高踭鞋說：「唔得，影相一定要full set上陣。」當時網民亦隨即被宣萱的敬業精神打動：「我真係好耐冇聽過有星或者model會有呢個執着（通常會調返轉問我，呢個shot見唔見腳，唔見就即刻除咗對鞋）。我立刻由心敬佩。呢位女藝人叫做：宣萱。」

網民為宣萱反駁「黑面」

不過帖文下竟然隨即有人留言問︰「宣萱有冇黑你面？」撰文網民反問對方︰「冇呀，點解要黑面？」同時有不少其他網民稱讚宣萱「超級專業」、「上一代藝人嘅執着，事實上着上高踭鞋係會令全身形態唔同咗，精氣神都唔同。」

宣萱與古天樂屢傳婚訊？

宣萱有電視猛人表舅父仍保持低調

宣萱90年代入行，曾拍過逾40部TVB劇，除了擅演女強人外，當然少不了她多次被「綁架」，而近年簽約好友古天樂旗下進軍影壇。闖蕩娛圈逾30年的宣萱，其實還有一個電視猛人表舅父蔡和平，不過兩人關係一直保持低調，今年初蔡和平與宣萱飯聚，難得公開兩人合照，當時蔡和平更大爆宣萱在TVB多年，卻從未曝光兩人關係，多年來只靠自己努力，在1999年更憑《刑事偵緝檔案IV》成為視后。