龍婷傳秘撻丘亞葵丨資深製作人丘亞葵向太太及龍婷致歉為車廂激咀解畫：只係朋友式嘅Hello Kiss

即時娛樂

更新時間：15:00 2024-07-16
發佈時間：15:00 2024-07-16

現年43歲、憑《中年好聲音》爆紅的「小龍女」龍婷今日（16日）被《東周刊》獨家踢爆與資深演唱會製作人丘亞葵撻著，兩人更被拍到在車廂內激嘴。現年65歲的丘亞葵（Vigo）屬已婚人士，本身亦有一女，早年曾與太太出席公開場合，丘亞葵其後回覆傳媒：「只係朋友式嘅Hello Kiss，錫咗一啖面，唔係大家諗到咁了解。」

「小龍女」龍婷被拍到與丘亞葵在車廂內激嘴：

現年65歲的丘亞葵曾於TVB幕後工作了15年，期間曾擔任綜藝節目總監多年，其後過檔寶麗金（環球唱片前身）擔任演唱會及商品事務部總經理，接着再出任恒藝亞洲綜合製作有限公司的董事總經理，直到2007年，丘亞葵成立新娛國際綜藝製作有限公司，主力製作棟篤笑、演唱會和粵劇。丘亞葵多年來曾為「阿刨」龍劍笙製作《龍情詩意半世紀》、《任藝笙輝念濃情》一系列演出開始，在2020年宣布暫別粵劇界，轉戰新項目發展。據知丘亞葵本身有太太及一名女兒，兩公婆結婚約34年，FB經常都分享跟太太的合照，每年太太的生日或者結婚周年，丘亞葵都會送上蛋糕慶祝，還會留言以金句表達愛意。

事件傳出後，丘亞葵回覆傳媒時澄清自己是已婚的人，與龍婷清清白白，當日見面只係為工作：「拍Pat係角度啫，我都感覺唔到佢拍我，講到激嘴仲誇張，只係朋友式嘅Hello Kiss，錫咗一啖面，唔係大家諗到咁，我同老婆結咗婚好耐，亦已經同老婆解釋清楚，我都唔係咁嘅人。」丘亞葵還稱和龍婷早在2017年經唱片界朋友介紹下而認識，直至去年在公開場合重遇，希望將來可以合作開騷，丘亞葵坦言和龍婷只限於工作上見，其他時間不會私下見面，同時就事件向太太及龍婷等致歉。

其他文章：

丘亞葵邀莊婉仙為長者演繹《香夭》李紫昕唱兒歌大受小朋友歡迎

丘亞葵孖旅發局開粵劇演唱會　吳美英吳仟峰期待紅館獻唱

↓立即下載星島頭條App↓