前TVB綠葉王好人好事瘋傳！年初離巢轉行揸的士主持兒童節目多年成集體回憶

更新時間：11:00 2024-07-17
發佈時間：11:00 2024-07-17

人稱「Gordon哥哥」的46歲TVB綠葉王兼配音員蕭徽勇，曾重達約300磅，因血壓高問題決心減肥，成功激減60磅變型佬，今年1月蕭徽勇宣布離開效力23年的TVB，並於四年前已開始揸的士，生計未受影響。近日有網民在港鐵捕獲蕭徽勇，引出另一網民分享蕭徽勇的好人好事，掀起討論。

Gordon哥哥蕭徽勇暖心舉動獲表揚？

曾主持兒童節目的Gordon哥哥蕭徽勇已轉行揸的士，有網民日前在threads貼出在港鐵巧遇他的照片，蕭徽勇當時掛住睇手機，網民偷拍後留言：「遇到TVB兒童節目主持，兒時回憶」。之後有多位網民分享曾做乘客的見聞，當中有一位女網民提及一件往事，指蕭徽勇值得尊敬。

蕭徽勇獲逾6000人讚

女乘客留言：「有次call的士返屋企，咁啱係佢接咗我個單，其實我同frd望到司機證嗰陣已經認得佢，因為我係搭的士去趕尾班n車，點知落車之後個巴士司機喺我面前開走咗架車！佢見到之後即刻話：阿妹上車！我幫你追返架車！我最後叫佢直接車我返屋企，落車俾錢，本身車費係$120，我俾咗$120 cash佢，點知佢俾返張$20我話：$100夠啦，唔使啦。做藝人真係好唔容易，見佢繼續有喺呢行努力，同時出嚟揸的士維持生計，覺得好感動之餘好respect佢，每個artist都值得被看見。」帖文一出獲超過6,500人點讚。

兒童節目成童年回憶

蕭徽勇對於女乘客公開表揚，除了Follow對方IG外，更留言感謝對方，之後蕭徽勇在自己的threads留言：「一個善意嘅偷影，換嚟一個窩心嘅故事，及好多香港人嘅支持及鼓勵！好感動」。蕭徽勇之後回應傳媒，亦記得當日追巴士一事，坦言當時只想幫對方追車，沒想到因此會收到近百個留言，向他分享此事。蕭徽勇又承認揸的士期間被不少乘客認出，他未有想過會因主持兒童節目會帶給大家美好的童年回憶。

相關閱讀：杜穎珊宣布離開TVB 常派福利竟自爆因暴食症減產近年做老闆教瑜伽

Gordon哥哥蕭徽勇大叔變型男：

Gordon哥哥蕭徽勇於澳洲著名麥覺理大學（Macquarie University）市場學系畢業，2001年入讀第17期無綫電視藝員訓練班，同期同學有鄭世豪、阮德鏘、李霖恩及何芷姍（前名何綺雲）等。藝訓班畢業後，蕭徽勇加入兒童節目《放學IC》擔任主持，又參演過《皆大歡喜》、《足秤老婆八兩夫》、《肥田囍事》等劇集，直到2015年憑《實習天使》飾演智障人士，精湛演技獲觀眾關注，之後的《十八年後的終極告白》、《降魔的2.0》、《陀槍師姐2021》都表現亮眼。