DSE放榜2024丨兩位聲夢小花為應屆考生！鍾柔美曾多次考全班第一 詹天文獲名校錄取做顧嘉煇師妹
發佈時間：12:30 2024-07-17
中學文憑試（DSE）今日（17日）放榜，17歲「聲夢小花」鍾柔美（Yumi）和18歲詹天文（Windy）均是今年的應考生，今早兩人分別在IG限時動態出PO，祝願應屆DSE同學仔一切順利並為大家打氣！
相關閱讀：17歲鍾柔美謝師宴再進化！着露肩短裙風格大變 一個扭身動作令人譁然
鍾柔美祝願應屆DSE同學一切順利：
雖然鍾柔美（Yumi）暫時未有公開DSE成績，不過今早她在IG限時動態出PO，相中有一隻蝴蝶並說：「今日放榜了，一齊加油！」童星出身的鍾柔美，小時候拍過不少劇集，在2020年參加《聲夢傳奇》奪得季軍入行，身兼歌手和學生身份的鍾柔美，除了跳舞跳得外，曾在考試中考獲全班第一，在今年的中六畢業禮上，再次考獲全班第一的成績。鍾柔美曾表示計劃在留港讀書，目標是想入讀香港城市大學，假如成績優異考慮申請香港科技大學或香港大學的商科：「我想留條後路畀自己，呢行唔穩定，如果將來我唔再出名，都可以做其他想做嘅事。」
鍾柔美平常心面對放榜
鍾柔美在放榜後回應《星島頭條》：「今日係放榜日子，終於都放榜，我自己心情都好啲，因為呢幾日同過去一段時間，自己都有少少壓力之餘又緊張，都有同自己講成績無論如何都好，保持平常心。收到結果呢，自己都可接收嘅，而家忙去揀大學、自己想讀嘅科目，想同大家聲唔需要擔心，因為我都好開心終於拎到成績同埋等咗呢一日好耐，希望一切都順順利利，多謝大家關心，我會繼續做好自己，做到自己嘅100分已經好好！」
詹天文為應屆DSE同學仔打氣：
詹天文獲名校錄取
在《聲夢傳奇》十強止步的詹天文（Windy）同樣是應屆DSE生，今日亦在IG限時動態出PO：「17/7/2024重要的日子，平常心，願一切順利，也祝福大家。」不過詹天文的去向早已有安排，今年4月詹天文公布已獲國際知名的音樂學府Berklee College of Music（伯克利音樂學院）取錄，成為顧嘉煇和王力宏的師妹，不過詹天文曾表示：「目前我都有申請其他大學，會好好地考完DSE、參加埋其他學校嘅面試先。完成後再做最終決定到時會再同大家講的！ 再次感謝大家！」
詹天文有意選讀其他學校
詹天文在放榜後回應《星島頭條》：「好多謝記者朋友關心同提問，我今日放榜攞到嗰張紙嘅第一個心情係即刻開心到喊咗，覺得呢幾個月來的壓力終於有釋放感覺，其實都有少少忐忑，但更多係興奮同激動，因為大部分科成績都比預期高分少少，自己覺得好開心同感恩，對呢份成績表好滿意，當然可以更加好，但自己現時情況已覺得係滿意程度。對之後揀科，都係主要揀返音樂科或者Music Business有關科目，自己都係想喺Music方面深造，我見大家成日話我一定係去讀Berklee(伯克利音樂學院)，但其實唔係，雖然嗰間係有畀獎學金，但我未肯定係咪一定讀嗰間，見到今日嘅成績，我發現係有更多其他選擇同學校可以揀，所以等我揀好一間學校之後再通知大家。多謝大家關心！」
其他文章：
鍾柔美告別中學生涯！貼畢業照晒全班成績第一 保錡秒速留四字真言
18歲Windy詹天文中學畢業！謝師宴高貴Look露背晒長腿 撞樣韓國當紅偶像張員瑛
《聲夢》詹天文獲伯克利音樂學院取錄成顧嘉煇王力宏師妹 5歲跟名師學聲樂屢獲獎
