中年好聲音3丨區瑞強胞弟參加海選！肥媽大讚吳大強勁敵 從事音樂與多位評審相熟？
發佈時間：17:30 2024-07-20
TVB叫好叫座的《中年好聲音》系列，今日進行第三季海選，過往都有不少圈中人的兄弟姊妹參賽，今年區瑞強弟弟區瑞明也有參加海選，即場演唱《What a Wonderful World》，獲得評審一致好評。
相關閱讀：中年好聲音2丨鄧兆尊細佬報名唱歌獻父母 曾因爭產頻現身與祥嫂和好做孝子
中年好聲音3丨區瑞強胞弟參加海選：
《中年好聲音3》今日進行海選，肥媽、張佳添、伍仲衡等繼續做評審，曾志偉也有到場睇海選。「民歌王子」區瑞強第第區瑞明（Alvin）今日亦有參賽，區瑞明身黑色上衣加上白色cap帽出場，出場即介紹自己是區瑞明：「我今日嚟，係我二哥（區瑞強）……」隨即演唱《What a Wonderful World》，獲得在場評審大讚，肥媽亦聽得非常陶醉。
張佳添周國豐大讚區瑞明
唱畢後，肥媽即大讚very good：「你跟住區瑞強做音樂，近嘅音樂人太多，你唱歌時，我哋有畫面，呢個係我哋想話畀所有唱歌嘅人聽，你令人有畫面，呢個先係真正唱歌。好彩Bill叔叔（吳大強）參加第一屆，唔係真係有對手。哈哈。」周國豐也表示：「我睇你唱歌好似Albert（區瑞強）嘴型，但你唱出嚟同Albert好唔似，呢個係我最鍾意。佢都唱過呢首歌，令我好驚喜弟弟唱嘅，同佢好唔同。」張佳添亦說：「我覺得你有自己嘅聲，比較厚，雖然望落真係有哥哥影子，唱歌時神緒都有啲似，但你把聲比較厚，你揀呢首歌揀得好。」
區瑞強事前不知區瑞明參賽
被問到未有報名《中年好聲音》第1、2季，區瑞明表示：「今次係我個女報名參加，我未參加過歌唱比賽。」伍仲衡即大爆：「你都成日唱歌，你好鍾意唱歌㗎喎。」肥媽又說：「你應該多謝你個女，應該晨早叫你嚟參加，第3都唔遲，very good。」
區瑞明事後接受記者訪，他表示因女兒幫他報名而來參賽，並指哥哥區瑞強事前也不知道他會來參賽，問他是否與曾志偉相熟？他就表示不熟，相信哥哥會跟他熟一點，如入圍也會叫哥哥比意見，至於是否會因為哥哥有壓力？他說：「都有，所以而家先參加。」
區瑞強「冇帽look」激罕曝光？
其他文章：
中年好聲音2丨「曼波女郎」葛蘭孫新抱驚喜參賽 曾參加歌唱比賽成張學友手下敗將
中年好聲音2丨呂良偉62歲細佬呂良國凍齡參賽 靚靚愛女曾被誤傳係伯父私生女
中年好聲音2丨許志安62歲哥哥現身海選同細佬唔似樣 原來好唱得仲超有感情
中年好聲音2丨「御用情婦」喊驚式演唱嚇親評判 《十兄弟》大口九圓亡母遺願
