陳凱琳直言喜歡鄭嘉穎似爸爸 8月挑戰一家5口外遊 生3個夠晒數5人車唔使換
更新時間：17:15 2024-07-20
發佈時間：17:15 2024-07-20
發佈時間：17:15 2024-07-20
字體大小
陳凱琳（Grace）今日（20日）出席於銅鑼灣舉行的新店開幕，Grace身穿低胸露背吊帶裙亮相，展露事業線。她表示老公鄭嘉穎和爸爸同在8月生日，每年一齊食飯慶祝很開心，禮物也要買兩份相似的。她稱自小與爸爸關係很好，喜歡爸爸的性格，或因此長大後也喜歡相似的人。她又說8月底將首次一家五口外遊，今次帶同歲半細仔，或會去泰國數天，是個大挑戰，笑言買個大袋給老公作為生日禮物，可放多幾條尿片。
問到嘉穎是否想追女？她說：「佢成日咁講，但真係講吓，我哋之前有討論生唔生多個，3個好足夠，5人車不需要換。（會否有意外？）應該唔會，呢3個都係意外，哈哈！（封肚？）唔確實講會唔會……自己鍾意男仔。（老公鍾意女？）通常男人鍾意異性，不過大仔好sweet，個樣好似女仔。唔好再問我生唔生，3個已好多。」她指胡杏兒和倪晨曦也生了3個小朋友，笑言看看她們哪位會挑戰生多個。
