41歲「御用青樓女子」文凱玲囡囡早產！驚揭入院產檢變開刀：好驚好擔心
發佈時間：09:00 2024-07-21
「御用青樓女子」41歲的文凱玲（Connie）7月3日宣布女兒出世，並在IG貼出一家三口的拖手照報喜，大晒幸福。原來文凱玲生產時並不順利，囡囡的預產期本來是在7月底，文凱玲昨日（20日）在社交網貼出BB靚相，將早產經歷向網民分享。
相關閱讀：41歲「御用青樓女子」文凱玲小公主出世了！貼全家捧BB手仔相：充滿了幸福
文凱玲自揭囡囡早產原因？
文凱玲昨日在IG貼出四張女兒新相，是在影樓拍攝，BB女閉目養神，表情不多，暫時未看出似文凱玲還是爸爸。文凱玲留言：「本來預產期係7月尾，但係BB已經出咗世個半月，經歷完一段手忙腳亂嘅時期，終於有時間靜靜地寫一篇長文同大家分享。」文凱玲表示當日覺得BB的反應與平日有分別，便到急症室做檢查：「當晚覺得BB比平時郁動少咗好多，就去咗急症室，諗住確認一下BB冇問題就可以安心瞓覺，結果直接住院做咗一連串檢查，成晚冇瞓之後醫生就同我講要即刻開刀。」
文凱玲誕女後一度感失落
得悉BB要提早出世時，文凱玲坦言好擔憂：「準備開刀嘅時候，真係好驚好擔心，幻想咗好多可能會出現嘅問題同情況，好在BB好健康，出世嘅時候仲喊得好大聲！」由於女兒早產，因此未能跟文凱玲一齊出院：「喺醫院嘅時候大部份媽媽身邊都有BB，而我只有自己一個，一到夜晚嘅時候感覺特別失落。到我可以出院嘅時候，BB仲要繼續留喺醫院，明明生完但係冇得帶BB返屋企，感覺好奇怪，之後一段時間，我有時都會以為BB仲喺我個肚裏面。」
相關閱讀：41歲「御用青樓女子」文凱玲宣布陀小公主！ 隔住個肚都見郁緊：覺得佢游緊水
文凱玲入行逾10年：
文凱玲因為BB提到來到世上，令她未準備好：「計劃之中嘅坐月，係我會乖乖地留喺屋企養好身體，因為BB早咗出世，啱啱搬完屋箱都未拆，BB啲嘢都未準備，所以變咗每日忙住執屋、買嘢同埋泵奶再拎去醫院睇BB。」直到BB返屋企後，文凱玲變得更忙碌：「BB返咗屋企之後每一日雖然好忙，但係好開心，成日攬住望住佢都覺得唔夠，為BB健康快樂長大繼續努力。」
文凱玲坐月執屋震驚網民
不少網民得悉文凱玲早產誕女後，坐月仍在執屋感到震驚，留言勸她：「坐月真係要乖乖坐，唔可以操勞㗎…個月坐得唔好，會有好多後續問題產生ga！」、「人地一生完嗰一至三個月坐月，你就過咗個半月先開始坐…呢個咩玩法？」、「開刀仲有傷口，坐月最緊要養好身體，多休息，BB好可愛」等。
其他文章：
41歲「御用青樓女子」文凱玲宣布懷孕！巨肚相曝光 上月結婚極速報喜
「御用青樓女子」文凱玲婚照曝光！低胸婚紗盡騷傲人上圍 3月中搞婚禮一切從簡
「御用青樓女子」文凱玲結婚了！16隻龍鳳鈪加重量級金豬極風光 筵開23席宴親朋
