周文健淡出娛圈為向太打理賭廳變高級XX：陪食陪玩 當年窮到結婚都要靠老婆外家
發佈時間：18:30 2024-07-21
現年63歲的周文健在80年因為一輯啤酒廣告而被人熟悉，其後加入影壇，拍過不少電影，當中包括《逃學威龍2》、《表姐，你好嘢！》、《風塵三俠》與及《孟波》等，不過到了2006年拍完電影《馬可．波羅》後就絕跡幕前，直到近年才返回娛樂圈拍劇！在淡出娛樂圈的日子，周文健去了澳門賭場貴賓廳工作，由actor變了waiter，周文健坦言是人生的低潮。
相關閱讀：正義迴廊丨周文健唔做警察改做大隻律師 原來已娶細18年嫩妻趕尾班車生B
周文健人生低潮期遇現任太太：
周文健在1998年周文健毅然離港闖荷李活發展，期間結識了不少朋友，他曾表示當時一星期最少有3至4次香檳party，每次花費不少：「有啲係應酬、有啲係貪玩，嗰陣大家輪住請客，我試過碌過一次咭，15,000美元一餐飯，即港幣10幾萬。」不過因為在美國演出機會不多，本來有朋友介紹他到內地發展，可惜因為批文問題，很多項目都無法進行，結果輾轉地去了澳門賭場貴賓廳工作，替向生向太招呼的朋友：「經理，即係高級侍應，由客人到埗到佢離開，你都要幫佢諗，陪佢食、玩、賭錢由個客人到埗至到離開，你要幫佢諗飲食，酒店到送佢走囉，你當一個高級侍應，以前你係演員，人哋會幫你諗，而家你係調轉要幫人諗，頭一個星期係有啲難受， 不過後都冇啦，你都要生活㗎，我仲同啲鬼佬講，我由actor變咗waiter，佢哋聽到都喺度笑。」
「烏鴉」張耀揚型男變怪男？
周文健酒席由老婆外家支付
雖然周文健覺得在澳門工作是人生的低潮期，但幸運的是遇到現任太太，即使當時身無分文，但太太依然不離不棄，周文健說：「我同佢講『妳走啦，唔好嘥時間喺我身上』，我真係無錢，我同佢講而家我一毫子都冇呀，但佢都唔肯走。」周文健坦言結婚連酒席都由老婆外家支付，唯一可以給太太的，只有香港身份證和綠卡。後來周文健一邊打工、一邊還錢，現在已經還清所有債務，亦一改以前「大使」的作風。周文健曾想過生小朋友，但自己年紀大，太太又怕辛苦，一切順其自然，甚至連生活都一樣，他曾說：「去到我這個年紀，最緊要事事不太刻意。」
其他文章：
談判專家丨劉青雲與周文健失散31年再合作 想與今次班底拍搞笑版 笑鎮宇介意別人靚仔及Chok過他
「億萬富婆」陳曼娜72歲生日！樂易玲梅小青等重量級老友到賀 不及寶貝孫一吻冧爆
烏鴉張耀揚「登六」在即無懼變銀髮族 握雪茄唱《成吉思汗》型到裂
