中年好聲音3丨「空姐牛肉飯」參選！去年結業轉行做旅行社與72歲吳大強關係親密？

更新時間：21:30 2024-07-21
發佈時間：21:30 2024-07-21

位於深水埗西九龍中心的「空姐牛肉飯」近年因東主郭德英Annie政見而聞名，不過去年4月宣布結業，曾任空姐的郭德英轉行做旅行社。近日《中年好聲音3》舉行海選，原來郭德英也有參選，還獲得評審讚有潛質，加上本身有話題性，相信好有機會入圍。

中年好聲音3丨「空姐牛肉飯」郭德英表現如何？

今次郭德英參加《中年好聲音3》亦不停在facebook更新進度，今日下午4時貼相透露：「等待中，頭先工作人員亦講咗話評審要食飯6點鐘再返嚟，我諗你預我要坐到八點啦」，之後郭德英又貼食包相說：「評審去食飯、我就食住包先。」到約6時半，郭德英終於在直播中登場。

郭德英一出場就以開朗語氣向評審打招呼：「Hello，各位評審好，首先要講聲辛苦晒先。我係1953郭德英，好多人都叫我『空姐』。」停頓一秒又問評審：「係咪覺得好得意啊？」隨後又表示以前做空姐，現在為旅行社負責人。及後演唱林憶蓮的《難忘你》，表現平穩，不過不失。

張佳添批：有少少扯頸

郭德英唱畢後，獲海兒大讚：「音色幾靚，感情都做得幾好；如果要講嘅話，我覺得你唞氣好影響你唱歌。」韋綺珊亦表示郭德英找的背景音樂有melody guide：「你無得發揮自己，佢彈到去咩位你就要跟足晒佢。」郭德英反駁指：「我知，我噚日都有聽直播，你就係講過呢個問題，但網上面無第二啲版本。」張佳添亦指：「林憶蓮唱嘅key一定係偏高，如果低返半度你會發揮得更好，前面來講你有少少『扯頸』，到後面你開始開返把聲，expression係唔錯，我聽到你有潛質。」

「空姐牛肉飯」郭德英與吳大強好friend？

「空姐牛肉飯」郭德英食店去年結業

郭德英於1995年至2010年間曾任職美國聯合航空空姐，離職後為丈夫打理生意。2016年在西九龍中心的美食廣場創辦神戶食堂，因她曾任空姐而以「空姐牛肉飯」做噱頭。開業時已因她稍有美貌而吸引傳媒採訪，後來郭德英多次在facebook發表政見而受到網民關注，不過去年4月郭德英宣布「空姐牛肉飯」結業，並透露將會專注搞旅行社。翻查郭德英的facebook見她不時貼出與吳大強的合照，去年11月《善心滿載仁愛堂》還獲吳大強帶入電視城睇show，早前又一同去睇《出租家人》慈善首映，今年2月郭德英的旅行社搞活動，她更在台上與吳大強攬腰合唱。

其他文章：

藍店「空姐牛肉飯」結業轉行做旅行社郭德英：我仲開心過黃絲︱Kelly Online

中年好聲音3丨譚輝智家人參賽！揭家庭聚會最愛做一事曾多次參加歌唱比賽自認唱得

中年好聲音3丨豬農大叔技驚四座！網民封「豬欄歌王」風水師Rock爆變喊驚

中年好聲音3丨海選開鑼！曾志偉為視障人士參賽者感動落淚區瑞強不知胞弟參賽？

中年好聲音3丨區瑞強胞弟參加海選！肥媽大讚吳大強勁敵從事音樂與多位評審相熟？