直播靈接觸丨歐陽震華瀕死歷2靈異事件!俯瞰自己臥病床 昏迷驚見「無臉小矮人」
發佈時間:23:18 2024-07-24
![直播靈接觸丨歐陽震華瀕死歷2靈異事件!俯瞰自己臥病床 昏迷驚見「無臉小矮人」](https://image.hkhl.hk/f/1024p0/0x0/lr/sthl_square/c5d53efe20158e3bc6c7efaeef5f12a8/2024-07/73_.jpeg)
梁思浩主持的TVB Plus節目《直播靈接觸》今日播出最後一集,請來有「收視福將」之稱的視帝歐陽震華做嘉賓。歐陽震華一出場即與梁思浩擁抱,又開心與觀眾打招福相。梁思浩更大讚歐陽震華是福神,將他扮財神的照片存放在手機:「新年一定睇,旺自己我實做。」
相關閱讀:直播靈接觸丨視后頸部胎記竟與二戰前世有關?自小有靈異體質 常收「朋友仔」求助
歐陽震華瀕死遇甚麼靈異事?
歐陽震華2013年新年入ICU
歐陽震華2013年大年初二因急性肺炎被送入律敦治醫院深切治療部,當時歐陽震華一度陷入昏迷,病情嚴重,留醫十多日後,歐陽震華終於康復出院。歐陽震華在節目中講述當時情況:「食物倒流,瞓着咗,吞咗入氣管,入咗醫院。」歐陽震華指當時陷入昏迷狀態:「我醒返先知我自己喺邊,先知我自己係咩事,我幾驚係中風,我又插晒喉。」當時醫護人員跟他說:「你講唔到嘢㗎喇,睇下隻手郁唔郁到。」
歐陽震華「吞錯格」:可以致命
當時以歐陽震華以白板與醫護人員溝通,才知道自己食物倒流「吞錯格」,並指:「好多老人家都係咁,肺炎就係因為佢吞錯格,係可以致命。」歐陽震華表示當時復原得好快:「可能我冇做過啲嘢對人唔住,又冇黑心人。」歐陽震華續言:「我昏迷時,某啲時間我心係醒,例如搬我過床、照我瞳孔,嗰啲我係知嘅,其他就乜都唔知,但係有兩個境像到而家都係歷歷在目。」
歐陽震華見「小矮人」交頭接耳
歐陽震華指自己當時昏迷12小時:「我係有top shot(即俯瞰鏡頭)睇到自己睇喺度。」鏡頭大概只有一、兩秒,當時幾位主持人立即顯得相當震驚,梁思浩更直言:「好多人一top shot就走㗎喇。」歐陽震華分享第二個鏡頭:「我覺得好得意,喺我床邊嗰度圍住,有班小矮人,啞黑色,好似啲棋子咁,但係(塊面)平嘅,無眼耳口鼻,喺床嗰度交頭接耳問意見,我覺得好似商量緊啲嘢。」
歐陽震華續指鏡頭只有兩、三秒:「佢哋唔係憂愁、唔係恐怖。之前好多人入咗老,嗰啲牛頭馬面咁,但嗰幾個其實唔係咁㗎喎。我自己之後嘅諗法,佢哋會唔會商量緊『帶唔帶佢走啊』,一個就『唔好,仲有用嘅』,一個就『係啦,佢為觀眾帶嚟咁多生活,畀佢捱下先啦,吞錯格啫,罪不致死。」歐陽震華認為自己仍有價值,因而當時未有被帶走:「有啲人將佢變做牛頭馬面,其實睇你個人心態,人有時自己嚇自己。」
其他文章:
直播靈接觸丨鄧兆尊三奶表演狐仙上身姣樣盡現? 請神「現身」爆秘密靈力驚人
直播靈接觸丨62歲鄧浩光久別幕前罕受訪消瘦幾個碼 與顏福偉相識半世紀傳同性緋聞
直播靈接觸丨樊亦敏爆「性交轉運」騙局經歷!師傅突然講:獨門方法注入陽氣
歐陽震華發晦氣拒演慘被唱:話我嫌錢腥 曾狂收50個電話邀拍冇Budget電影
歐陽震華罕談百億老婆!被傅老榕孫女反追自認高攀唔起:個個都係憎人富貴厭人貧