直播靈接觸丨歐陽震華住「鬼屋」風山水起！與前賭王孫女結好姻緣 每日出門前做一事有好報？
發佈時間：18:00 2024-07-25
梁思浩主持的TVB Plus節目《直播靈接觸》昨日播出最後一集，請來有「收視福將」之稱的視帝歐陽震華做嘉賓。歐陽震華受訪前並先表明立場：「我唔抗拒同靈性物體接觸，唔將佢定情係好定壞，人都有好壞啦。」同時強調自己所說的都是他的親身經歷。歐陽震華隨後再自揭曾經住「鬼屋」，而且住到風生水起。
相關閱讀：直播靈接觸丨歐陽震華瀕死歷2靈異事件！俯瞰自己臥病床 昏迷驚見「無臉小矮人」
歐陽震華曾住鬼屋？
歐陽震華媽媽都話陰
歐陽震華透露是20多年前於清水灣租屋住期間發生：「租嗰間屋好得意，我住覺得無乜嘢。」他透露當時仍未離世的媽媽間中亦會上門：「佢嚟得兩次之後，就話『你間屋太陽一落山，我就好驚，好陰。』佢老人家食鹽多過我食米，佢有嗰種感覺唔出奇。我話『我喺度住都冇嘢。』隔咗一排佢又話『你間屋真係好陰』，講得兩講我都俾佢嚇一嚇。」
歐陽震華對空氣交代出門
歐陽震華當時覺得「寧可信其有」：「我下晝出咗去開工，直頭傻到同空氣講『我返工喇，你哋開party出嚟玩，就隨便玩，我大概幾點鐘返嚟，執返原本咁，唔好漏企啲嘢嚇我，仲要唔好出我眼』。」歐陽震華隨後解釋「出眼」即是被人見到，並指之後一直相安無事。
歐陽震華與太太勁恩愛？
歐陽震華透露之後在附近買了一間約700呎的村屋便搬走，後來有天去飲嘢時，突然有個陌生人衝前跟他說：「歐陽震華，你以前住嗰間屋，你搬咗之後，我搬入去住，你住嗰陣點樣。」當時歐陽震華回答對方指每件事都好順利，豈料對方跟他說：「我就慘喇，我住咁耐，差咁耐，生意差、乜都差。你知唔知間屋有幅牆唔係石屎牆，係空心。」當時那個租客將木板牆拆開，才發現裏面收藏着一塊與牆一樣大的鏡，眾人直呼好恐怖。
歐陽震華下手租客發現有大鏡
歐陽震華續言：「如果真係跳舞封咗佢，不如拆咗佢。我又係租佢又係租，日頭已經係我哋空間，夜晚仲要趕人走，無可能㗎嘛。」梁思浩反問：「你有無諗過，業主係封咗畀嗰啲嘢出入。」歐陽震華坦言：「我唔知，無諗喎。」隨後說：「唔係你嘅地方，唔好自擺自為，你租咋嘛，好似我之前拍《一屋老友記》，修哥、羅蘭喺度住幾耐，你攀人走當係你，咁唔啱嘅。」
歐陽震華：要畀啲空間人
歐陽震華住這間屋期間，事業開始風生水起，更結婚一段好姻緣，認識到現任老婆。歐陽震華也不禁聯想到是自己尊重靈體的好結果：「係咪因為我尊重佢哋，佢哋收到呢個人傾到偈，你有你嘅空間，你都要畀啲空間人。」而歐陽震華在1996年與拍拖一年半的傅潔嫻結婚，相信事發大慨在他首段婚姻結束後，與1994年中結識現任太太期間發生。
其他文章：
直播靈接觸丨視后頸部胎記竟與二戰前世有關？自小有靈異體質 常收「朋友仔」求助
直播靈接觸丨鄧兆尊三奶表演狐仙上身姣樣盡現？ 請神「現身」爆秘密靈力驚人
直播靈接觸丨62歲鄧浩光久別幕前罕受訪消瘦幾個碼 與顏福偉相識半世紀傳同性緋聞
直播靈接觸丨樊亦敏爆「性交轉運」騙局經歷！師傅突然講：獨門方法注入陽氣
歐陽震華發晦氣拒演慘被唱：話我嫌錢腥 曾狂收50個電話邀拍冇Budget電影
歐陽震華罕談百億老婆！被傅老榕孫女反追自認高攀唔起：個個都係憎人富貴厭人貧
