《中年好聲音》評審突轉性取向？曾與女神閃婚離異後一直單身 好友勸大方出櫃
發佈時間：19:30 2024-07-26
TVB歌唱節目《中年好聲音3》早前進行「全球招募好聲音」，今日（26日）轉到廣州進行海選面試，節目繼續有多位星級評審包括周國豐、張佳添、肥媽（Maria cordero）及伍仲衡等。周國豐和伍仲衡的Facebook Live《 週五有周伍》日前邀得肥媽做嘉賓，伍仲衡卻突然爆料暗示有人「中途轉基」，氣得周國豐直斥對方為「壞份子」。
相關閱讀：謝君豪凍齡妻激罕現身！彩虹邨食飯被前TVB主播巧遇 同場更有兩《中年》評審
周國豐被爆轉性取向？
肥媽當日做嘉賓之餘，亦有拍片曝光伍仲衡的工作室，伍仲衡突然提到周國豐一向揀飲擇食，又叫肥媽為周國豐介紹女性，肥媽即回應稱：「好多女人搵佢㗎啵！係佢揀擇！（會唔會要男人？）唔會，佢以前個老婆好靚。」誰知伍仲衡竟回了一句：「以前啫，有冇聽過中途轉基？」令肥媽則目定口呆。當事人周國豐雖然不在場，但也得知兩人的對話，昨日（25日）個人Facebook發帖文：「樂壇風紀真係有先見之明，真係唔可以放過呢啲口不擇言嘅壞份子，我要學前輩嘅回覆：『伍仲衡先生，我認識你嗎？你哪位？』你安安分分，生生性性啦」。周國豐又指已不斷收到朋友傳來訊息提及這宗事件，他亦加上不滿的Emoji表達心情，不過其實周國豐年初亦曾「爆響口」透露梁榮忠疑似已結婚消息，成為熱話。
周國豐前妻利嘉兒已再婚生女
不少網民特別關注周國豐的性取向，他的留言卻未有解答網民疑問：「咁多留言，大家好關心我嘅性取向喔」，好友陳淽菁指：「唔信！其實係咪伍sir自己不自覺地愛上國豐」，另一位好友羅敏莊亦笑指：「隱藏得好好呀，出櫃吧！」周國豐也大方回應：「出啦！出啦！我屋企有三個衣櫃」。周國豐一直以來為外界所知的情史只有前妻利嘉兒一位，兩人在2004年經香港電台同事羅啟新認識，繼而迅速發展戀情，拍拖不夠3個月已視對方為理想對象。周國豐與利嘉兒於2005年在太平山的山頂餐廳舉行婚宴，但沒有正式註冊，兩人直到2008年宣布因相處不來而分開。利嘉兒2010年嫁給製衣和門鎖生意的劉姓商人，2018年更誕下了一名女兒。
周國豐借甄妮金句寸伍仲衡？
至於周國豐現時的感情生活也受到關注，早前羅敏莊和李志剛等舊同事上其節目，羅敏莊大爆周國豐以前好難相處又壓抑。周國豐解釋公務員身分令他有很多顧忌，如今無官一身輕就自然得多，他在節目中更自爆：「你知唔知我連結婚擺酒所有收到嘅人情都要報畀政府，如果多過一個金額價錢，係要退番畀人呀！我唔記得個金額，應該有四位數，不過好低嘅四位數！」羅敏莊又大爆當年電台有不少女士為周國豐爭鋒呷醋，周國豐則承認自己異性緣不錯，更大方表示離婚後有過過客出現，但沒有正式拍拖，而且自與利嘉兒分開後兩、三年都不敢再去日本，因為與前妻有太多回憶。
其他文章：
《中年好聲音》評審周國豐54歲生日！車婉婉與天王到賀 同是新秀出身發展大不同
顧紀筠伍仲衡相隔24年再聚首 周國豐驚訝二人變化網民毒舌激嬲一人
周國豐「前妻」激罕曝光！50歲利嘉兒美艷如昔 再婚後兩度流產肚皮捱針終誕下女兒
