中年好聲音3丨「周星馳細妹」參加大灣區海選？豐滿中女挑機《餓狼傳說》唱跳嚇窒評審

更新時間：20:00 2024-07-26
發佈時間：20:00 2024-07-26

TVB節目《中年好聲音3》上周末開始在電視台進行海選，今屆同時與星馬及大灣區招募參賽者，今日（26日）《中年好聲音3》在廣州進行大灣區海選，周國豐、韋綺姍與徐洛鏘北上做評審選將。不過今日參賽者似乎表現麻麻，還有不少人忘詞、入錯歌，睇直播的網民也覺得參賽者似唱K。

中年好聲音3丨有誰參加大灣區海選？

亞視《星光大道》兩選手參戰

亞視《亞洲星光大道》首屆十強黃文韜今日亦出現於海選，他出場時介紹自己也表明自己曾參加亞洲星光大道》：「當時評判都係周老師。」周國豐則表示：「仲有兩位喺香港，肥媽同張佳添。」黃文韜指在《亞洲星光大道》曾參加過內地歌唱比賽節目，不過已久未有參賽。

今次黃文韜參賽的原因亦與昔日戰友有關，不過並非上屆冠軍古淖文，而是陳蕾：「見到豹哥拎咗個獎，我哋wechat會傾偈，佢好touching（動人）嘅一隻歌叫《繁星》，覺得佢有keep住、堅持啲嘢，我覺得係咪我都要做啲嘢呢？」黃文韜今日演唱陳曉東的《心有獨鍾》，已今日參賽者來說，表現相當出眾，韋綺珊亦表示：「暫時聽咗咁多位，佢一開始已經入咗狀態，唔錯。」周國豐亦認為黃文韜表現未有退步，更建議他在未來參賽揀歌要花心思，相信不久將來會見到他現身《中年好聲音3》。

另外有一位來自《亞洲星光大道2》的吳帆，周國豐一言驚醒：「《星光2》我做評審㗎喎，你個樣變咗咁嘅，我認唔到。」吳帆透露《星光2》後，一直在內地工作，未有再參加比賽，他今日演唱張學友《你的名字我的姓氏》。周國豐直言歌曲對他來說難度過高，但亦表示：「我覺得你比《星光大道》成熟咗。」

中年好聲音3丨「空姐牛肉飯」參賽？

自稱「周星馳細妹」唱兒歌

今日有一位貌似麗英的參賽者，她自稱「欣欣」，還表示自己有另一個名叫「星星」：「個個都叫我係周星馳細妹。」欣欣又指自己由細到大都好想加入TVB所以參賽，今日她竟然唱兒歌《哪兒》，演唱期間還動作多多，又似跳幼稚園的舞蹈。

隨後一位身穿綠色小背心的「芳華」出場，身材看來都幾豐滿，更挑戰張學友的《餓狼傳說》，音樂一播出，她便轉身戴上太陽眼鏡，左右搖攞又轉圈，「台風十足」；不過未知是否只顧着跳舞，剛剛開始就不斷忘詞、甩beat，幾乎只記得副歌，而且又唱到走音，嚇到不少睇直播的觀眾。韋綺姍：「呢個係一個唱歌比賽，你有台風係好睇嘅，但如果你開始亂嘅時候，我就寧願唔好跳喇。」

近60歲大叔着軍褸唱跳獲好評

今日還有一位身穿軍褸軍帽的50多、近60歲男士出場，連周國豐見到他也問：「着到咁，唱咩歌啊？」他竟然表示：「平時都係咁着㗎。」他演唱黎明的《全日愛》，更拿着閃光燈唱跳，瘋狂轉圈、扭pat，功架十足！韋綺姍第一句就問：「你係咪做dancer㗎？」他一邊喘氣一邊說，是拍短視頻，韋綺姍更大讚：「我覺得你跳得好好睇。」

其他文章：

中年好聲音3丨譚輝智家人參賽！揭家庭聚會最愛做一事曾多次參加歌唱比賽自認唱得

中年好聲音3丨海選開鑼！曾志偉為視障人士參賽者感動落淚區瑞強不知胞弟參賽？

中年好聲音3丨「空姐牛肉飯」參選！去年結業轉行做旅行社與72歲吳大強關係親密？

中年好聲音3丨生面口美女評審搶眼過參賽者！新世代音樂才女身材火辣

中年好聲音3丨區瑞強胞弟參加海選！肥媽大讚吳大強勁敵從事音樂與多位評審相熟？