莊韻澄離婚丨莊韻澄驚爆兒子患自閉症 曾餵子飲符水：你可以話我迷信！
發佈時間：17:30 2024-07-31
莊韻澄（前名莊端兒）上周五宣布與結婚4年的老公呂成忠（Joe）正在辦離婚手續，莊韻澄自揭長期受情緒勒索及言語暴力，今年年初呂成忠突然帶兒子「波子」被呂成忠不動聲色帶到台灣，昨日（29日）呂成忠現身網台節目狂插前妻，莊韻澄拒絕再被前夫威脅，道出事件的另一真相反擊！
相關閱讀：莊韻澄離婚丨呂成忠自揭帶仔返台灣原因 莊韻澄堅拒再受威脅：以事實去回應！
莊韻澄拒再被前夫威脅出招反擊：
莊韻澄今日接受傳媒訪問，她表示提出離婚後，要求呂成忠搬離大埔比華利山與及收回過往給他駕駛的Tesla，但呂成忠不願生活質素有改變而拒絕，莊韻澄為兒子着想而一度讓步，只着他給隧道錢和叉電錢，不過依然拒絕。呂成忠又指不希望兒子生活有改變，睇中一間$27000的單位：「因為我死都唔肯幫佢簽約，結果佢租唔到嗰間屋。佢轉租另一個平啲嘅地方，之後我堅持要賣車，原本連隧道費叉電費都唔肯畀嘅佢，之後又有錢買番架車用。」
莊韻澄發現車cam片被剪掉多段記錄
莊韻澄賣車後還發現車cam片，被呂成忠剪掉很多記錄：「只剩低行緊公路嘅畫面，邊度上車、落車嘅畫面係冇晒！點解要咁鬼祟，只有佢先知。」在分居期間，呂成忠多次軟硬兼施要求復合，雖然試過一家三口去日本，但莊韻澄表示一切都是為了兒子，殊不知直到今年年初，呂成忠突然將兒子帶出境要求莊韻澄答應復合︰「佢話要好似以前一家三口咁，佢唔要有改變，否則永遠都唔會帶個仔返嚟。當時我有報警，但警察都話無能為力，因為佢係爸爸，合法帶仔仔出境，落唔到案，佢叫我同我媽求佢返嚟。」最後莊韻澄多番懇求，呂成忠終於帶子回港，直到早前兩人因爭執而驚動警方，最後警司在現場了解後，決定小孩交由母親看管。
莊韻澄離婚丨與張致恒戀情受矚目？
莊韻澄曾餵兒子飲符水
至於呂成忠指莊韻澄有產後抑鬱兼用符水洗眼，莊韻澄則說：「如果我有產後抑鬱，點可以拍《正義迴廊》，同做其他節目？我已經叫天不應叫地不聞，係咪連拜神都唔得？係有飲符水，本來唔想講，但而家都要講，我仔係診斷患自閉症，加上呂成忠成日喺屋企大吵大鬧，以為佢鬼上身先拜神，你可以話我迷信，但我冇對個仔唔好，我比佢更愛錫個仔。」
其他文章：
莊韻澄宣布與呂成忠離婚！獨力賺錢養家被情緒勒索 稱遭老公要脅公開私隱
莊韻澄離婚丨呂成忠婚前被爆欠債破產 婚後一家入住複式連天台海景豪宅
莊韻澄離婚丨親揭分居真相！呂成忠結婚當晚已抱怨：如果唔係娶咗你，就唔會全世界知我破產！
莊韻澄離婚丨曾戀性上癮張致恒拒婚！多次被出軌萌輕生念頭：唔想做「離婚KOL」
莊韻澄離婚丨呂成忠婚前破產獲莊韻澄力撐 婚後做老婆經理人住豪宅
