莊韻澄離婚丨「前夫」哽咽求復合稱會搵工 矛盾澄清公開CCTV唔想個仔覺得有渣男爸爸

莊韻澄（前名莊端兒）日前宣布與老公呂成忠（Joe）分居一年，正辦理離婚手續，又指控「前夫」呂成忠擅自帶兒子到台灣作威脅、情緒勒索、「食軟飯」等，呂成忠之後在網台節目反擊，更公開家中CCTV片段稱莊韻澄有產後抑鬱。莊韻澄昨日（1日）在IG發文逐點反駁「前夫」呂成忠，晚上呂成忠卻突然轉軚求莊韻澄原諒，更講到一度哽咽。

相關閱讀：莊韻澄宣布與呂成忠離婚！獨力賺錢養家被情緒勒索 稱遭老公要脅公開私隱

莊韻澄老公哽咽求原諒？

莊韻澄與「前夫」呂成忠因離婚爆發罵戰，呂成忠兩度現身邵子風與大佬B主持的網台節目《娛樂油麻地》，為自己辯解。對於莊韻澄以千字文反擊，又接受多間傳媒訪問，否認有產後抑鬱及自殺傾向，再轟「前夫」不事生產、叫X（嫖妓）、是老千、城府極深，只承認自己曾給BB飲符水。呂成忠二度現身網台節目再回應事件，他突然在節目中哽咽表示想復合，對莊韻澄要求復合前要有一份需要交稅及強積金的工作，呂成忠說：「如果即刻復合，我就即刻做。如果佢嘅要求係咁簡單，我會即刻做。你要我放棄而家嘅工作我咪放棄，做你要我做嘅嘢。」呂成忠表示可做回後期製作、剪片等老本行。

呂成忠連番發表愛的宣言

呂成忠在節目中多度哽咽發表愛的宣言：「其實我哋係可以好幸福！」、「小朋友同家庭係我一生。」被問到曾在節目中公開家中CCTV指控莊韻澄，他坦承自己做得不太好：「好多嘢我提過你曾經做過呢樣嘢，你就會當成威脅，我只係想你冷靜啲，點解溝通唔到。我對太太百分百真誠，對小朋友都係，我願意為佢做任何嘢，我有諗過唔駁嘴，唔回應，咪由得人話我係渣男、賤男，但係我唔想個仔覺得有個咁嘅爹哋。所以我都係Prove我做緊啲乜嘢，為咗頭家自己好努力。」呂成忠對公開CCTV一事，向莊韻澄致歉。

呂成忠解釋「食軟飯」

不過呂成忠解釋自己非「大食懶」，聲稱每晚哄兒子入睡後才有時間工作，直到清晨才有時間睡覺，之後又要煮飯，因此想莊韻澄正視一些問題：「我想證明你老公唔係大食懶，唔係冇做嘢，我付出好多好多，唔知你睇到有幾多。」他續稱：「但係我唔覺得攰，我就係想為屋企做呢啲嘢。」至於偷拍莊韻澄抱住兒子危站露台卻不阻止，呂成忠解釋：「因為唔止一次發生，自己每次都係喺側邊等，有時會等足四個鐘，我試過攬住佢，但佢會大叫『非禮』、『唔好掂我』，佢會伸BB出去，佢有情緒，我盡量想佢冷靜。」

呂成忠指莊韻澄難以溝通

呂成忠又稱與莊韻澄難以溝通，試圖解釋卻要經過包裝或婉轉表達，反而令到莊韻澄覺得自己愛駁嘴：「你情緒到、憤怒，但係我想你好好檢視自己，你可以睇FaceTime我點同BB相處，你係旁觀者又做過啲咩？」呂成忠對自己將夫妻之間的對話截圖一事，他承認為免莊韻澄忘記自己說過的話，才會截圖給她看。

相關閱讀：莊韻澄心痛近80歲媽媽委屈向前夫道歉喊到失控 慘被精神虐待3年無助求觀音承認飲符水丨獨家

莊韻澄曾戀渣男張致恒： 

呂成忠逐點回應莊韻澄的指控，又哽咽稱自己孤獨地承受外界的責罵，他想證明自己不是一個太差、太廢的人：「佢嬲我，睇唔到我嘅好，其實佢好孤獨，我想大眾幫我一樣嘢，可能我唔識表達，我想傳達我嘅愛畀佢，一齊唔好再鬧佢，想畀佢知道你老公係點，未來會點，老公不停為你成長、配合你，為咗頭家，我想你睇到依樣嘢。」呂成忠對莊韻澄要求他搬離大埔寓所，以及交還Tesla汽車，呂成忠自稱在二人拍拖前已有揸車，Tesla是他用來接載小朋友、莊韻澄及家人，作為家庭車使用，對不不願支付車費、隧道費，呂成忠指莊韻澄曾表示為兒子願承擔交通費，一直以來沒有投訴。

呂成忠否認要老婆簽租約

對於另覓住處，呂成忠堅持睇大埔樓，又揀27,000元租金的單位要求由莊韻澄簽約。呂成忠否認租金的數字，表示單位租金約為21,000元至23,000元，又稱是經紀建議兩夫妻一齊簽：「我唔使太太錢，我自己簽啦，業主都想租畀我。」最終未有簽約是因為兒子生病，自己要帶囝囝去睇醫生，之後再找到較便宜的單位，他曾向莊韻澄分享與經紀的對話訊息，卻在莊韻澄口中成為另一個版本。

稱莊韻澄想唱衰自己

莊韻澄提到車Cam片曾被剪接，呂成忠否認毀屍滅跡及曾「叫X」：「你唱衰我做咩啫？我做咩要睇個車cam啫？」呂成忠稱自己不會刻意檢查，亦汲有對車Cam片做手腳，片段不全估計是零件鬆脫所致。邵子風即追問：「你有冇叫X呀？」呂成忠肯定語氣稱：「冇。」又指是莊韻澄亂講：「佢想整花我，唱我囉。」

呂成忠以為問題解決

呂成忠對莊韻澄指分居期間去旅行，是為兒子著想，他卻不同意是復合旅行：「我覺得大家冇分開過，嗌下交啫，我希望溝通完會冇事。」又表示自己帶兒子到台灣，雙方用訊息溝通後，反而變得平心靜氣，返港的幾個月一直關係好好過得開心：「帶走佢，唔報行蹤佢都吹我唔脹㗎，我同佢就係想溝通呀嘛。」主持即指出莊韻澄兩母女或只是想見BB才配合，呂成忠表示：「咁樣好唔開心，我以為真係解決到屋企嘅嘢，因為之後幾個月都好開心，無時無刻都傾偈。」他又表示為了讓莊韻澄放心，兒子的護照已交由對方保管。

呂成忠怕兒子好記性

提到上星期爭接兒子放學，最終驚動警方，雙方說法有出入，鬧出「羅生門」。呂成忠表示自己在場交還兒子，又反指莊韻澄省略與警司對話內容：「警司講得好明確，話Xenia（莊韻澄）唔妥協，好明確交畀社署㗎喇。」呂成忠再度哽咽，稱己叫社工帶同他為兒子準備的飯盒到社署：「唉，算啦，你畀媽咪啦！我個仔好好記性，佢起身會記得曾經發生過乜嘢，呢個係佢陰影，我唔想。我仲同警司講可唔可以每次畀我同個仔Goodbye kiss，但佢哋唔理。」

呂成忠盼重歸於好

呂成忠在節目尾聲再次向莊韻澄求原諒：「對唔住，你原諒我！有咩我都會改，求你，同我重歸於好，開開心心，為咗滈滈。滈滈最想就係我同你一齊照顧佢，佢鍾意爹哋媽咪，佢真係好鍾意爹哋媽咪，原諒我。」呂成忠指自己與莊韻澄同樣愛錫兒子：「正常家庭都會有磨擦、埋怨，你唔鍾意見到我，我唔介意去車度瞓，但BB最開心見到我哋一齊。」

其他文章：

莊韻澄離婚丨呂成忠婚前被爆欠債破產 婚後一家入住複式連天台海景豪宅

莊韻澄離婚丨親揭分居真相！呂成忠結婚當晚已抱怨：如果唔係娶咗你，就唔會全世界知我破產！

莊韻澄離婚丨曾戀性上癮張致恒拒婚！多次被出軌萌輕生念頭：唔想做「離婚KOL」

莊韻澄離婚丨呂成忠婚前破產獲莊韻澄力撐 婚後做老婆經理人住豪宅

莊韻澄離婚丨莊韻澄驚爆兒子患自閉症 曾餵子飲符水：你可以話我迷信！