王晶周星馳為錢失友誼？目擊影帝被冷待感不滿 於片場險大打出手：以後都唔好合作

導演王晶最近開設YouTube頻道《王晶笑看江湖》，上周首集談到昔日最佳拍檔周星馳，說到二人相識經過，更大爆周星馳割雙眼皮及對方與一些女星的情史。而昨日（3日）的新片，王晶就談到與周星馳如何因錢失友誼。

相關閱讀：王晶大爆周星馳整容！因一事令友情生變 揭星爺情史點名兩女星：睇住佢郁手！

王晶與周星馳因錢失友誼？

 
王晶上次提到，一直好欣賞周星馳的才華，但周星馳後來想所有事由自己主導，越來越多想法，甚至曾在片場呼喝他，令他心中有條刺。今集《王晶笑看江湖》，王晶更細緻地描述與周星馳反面真相。王晶指即使1992年拍攝《鹿鼎記II神龍教》時，因周星馳的態度問題，令他有些不滿，但他仍然忍讓，之後大家繼續合作。當時王晶提出與周星馳開戲，找來嘉禾當時的高層蔡永昌開會，王晶說提出拍《少年李小龍》，以搞笑方式說李小龍回流香港前的故事。由於周星馳是李小龍影迷，過程中加入很多想法，本來一切順利，王晶與周星馳亦說好了分嘉禾支付的800萬元酬勞比例，「你（周星馳）六我（王晶）四。」但後來周星馳兩度改變主意，由要求分六成，改為想收七成，最後更要求分八成。王晶說：「我話我接受唔到，『但你係咪如果唔咁分就唔做呢』，佢話係㗎。我話『我只就你一次，但下不為例，呢部我當送嘅』。」不過最後王晶被嘉禾通知《少年李小龍》未能開拍，原因是周星馳向嘉禾提出他不想拍《少年李小龍》，希望嘉禾將本來計畫投資《少年李小龍》的800萬元，改為給他開另一部戲，後來衍生出《武狀元蘇乞兒》。

相關閱讀：王晶開YouTube頻道爆秘聞！被預告大談兩位晶女郎 因黃霑林燕妮斬情絲？

王晶：佢係將錢同朋友分開

王晶經過此事後，跟周星馳仍是朋友，不過卻見識到周星馳似乎看重錢多於交情：「我諗佢係將錢同朋友分開，分得好清楚。佢曾經同吳孟達喺天津做過傳呼機生意，結果就蝕咗，佢有啲怪吳孟達嘅……以我所知。所以日後佢同吳孟達都冇咁好嘅，我相信佢睇得個錢比朋友大好多。可能佢覺得普通朋友還普通朋友，如果講到錢就……冇朋友做都冇所謂，我覺得佢係咁。」王晶指周星馳朋友不多，即使有些如谷德昭等的友人，但認為他們關係是不涉及利益。王晶被女兒王子涵問到有否想過跟周星馳撇開利益關係繼續做朋友，他表示：「我有咁多朋友，冇必要啦！咁咪做個普通朋友囉。」王晶亦分享他見證的周星馳如何轉變：「當時佢地位未咁大，佢由一個普通人到最後佢變成神，佢係好想變成神，而我係一個由頭到尾，由佢從普通人變成神，我都睇得佢好通嘅人，我覺得佢都有啲怕我，佢唔鍾意人睇通佢。」

王晶大爆周星馳情史？

王晶：李力持拍咪即係佢拍

王晶後來與周星馳感情慢慢轉淡，王晶直認跟對方有隔膜，但不至於完全不能合作。王晶指當時《少年李小龍》、《唐伯虎點秋香》等都是由他提出概念，而由於永盛想開拍《唐伯虎點秋香》時，王晶沒有檔期，而據他所指陳嘉上亦不想跟周星馳再合作，於是最後由李力持做《唐伯虎點秋香》導演，王晶說：「其實李力持拍咪即係佢（周星馳）拍……所以其實《唐伯虎點秋香》先係真正周星馳第一次做導演。」王晶亦大讚《唐伯虎點秋香》，指周星馳的確是一個厲害的演員，甚至指周星馳不應該只得一個金像獎最佳男主角獎座。他認為周星馳演得最令他驚訝的一場戲是《西遊記大結局之仙履奇緣》中，與「白骨精」的對手戲，在15秒內轉換7個表情，他大讚演得精彩。

相關閱讀：王晶被血流披面傅聲跟實？憶述好友臨終前樣貌：佢係畀電池撞爆內臟

拍《千王之王2000》正式決裂

王晶指他跟周星馳正式決裂是拍攝《千王之王2000》時，該片有如今已成為影帝的張家輝做其中一位男主角。由於當年王晶成功將張家輝打造成新一代喜劇演員，他認為讓張家輝與周星馳合作，可能會有好效果，但結果卻令他意外。當時王晶提出給周星馳一千萬片酬，七日時間拍完《千王之王2000》的戲份，王晶說：「佢同我講『我呢排等錢使，好啦，我拍啦』，點知一拍……佢非常之唔合作。」

相關閱讀：「星女郎」張雨綺坐輪椅代步 着高踭鞋出事血流如注照片曝光

周星馳疑冷待張家輝？

周星馳在與張家輝合作過程中，表現冷淡，王晶都看在眼內：「演員之間係講交流，我做啲戲出嚟，你就交返個波畀我，咁我先回得畀你㗎嘛！所有張家輝做啲咩，佢（周星馳）都唔畀返個波佢，各有各做，咁你話張家輝有乜癮？越做越冇癮。」王晶在拍攝中途，有日請劉偉強替他拍一天戲：「嗰日直頭係唔合作到大家想打交咁滯。嗰部戲令我哋真真正正產生咗裂痕，由朋友變咗唔係朋友。」

相關閱讀：王晶老婆罕現身！美貌不輸一眾「晶女郎」 做過空姐曾被資深電影人爆真實性格

王晶進軍YouTube爆娛圈秘聞？

王晶片場大罵周星馳

王晶最終感不住爆發，在《千王之王2000》片場大罵周星馳，當日本來已經沒有周星馳的戲份，王晶如常叫周星馳來開工，目的其實是想給他陷阱，拍一場可有可無的情節。周星馳態度仍然令王晶好不滿，王晶指：「我從來冇試過咁樣爆發，我話『阿周生，我哋都算係好朋友，你點解要咁呢？我話你聽，我其實已經拍晒㗎喇！6日我就拍晒你啲戲，今日呢場唔要，唔緊要！你唔鍾意做，唔緊要！你而家即刻同我走，我唔使你拍，以後都唔好合作喇！」王晶指由1992年開始對周星馳有不滿，多年來一直容忍，直至《千王之王2000》才跟對方決裂，而當下片場的人被嚇倒，周星馳沒有出聲，回到化妝間換衣服離開，此後二人再沒聯絡。王晶指後來各自都有不錯的作品，他仍然好欣賞周星馳，他認為周星馳不會再做演員，不過他都希望周星馳在執導的作品上可以再有更高成就。

其他文章：

周星馳愛將變「修腳大亨」！內地搞生意有聲有色 靚老婆豪言一年開100間

周星馳「跟班」深圳開舖望做修腳大亨？為罕見病子勤力搵醫藥費 大仔坐輪椅或將失明

關秀媚離婚丨曾認愛錢嘉樂傳戀方中信！與王晶緋聞傳足7年 因一事飛出「晶女郎」行列