周啟生點名狠批叱咤金獎男歌手「嗰條廢青」 被粉絲狙擊爆粗反斥：真係戇X！
發佈時間：18:30 2024-08-07
63歲音樂人周啟生為著名作曲家顧嘉煇的徒弟，一向敢言的他很留意現今樂壇，不時於社交平台公開批評一眾當紅歌手。其中年初奪得叱咤雙料女歌手獎的陳蕾就曾被他狠批，最近就輪到叱咤樂壇男歌手金獎的林家謙被周啟生點名批評！
相關閱讀：周啟生唔驚死點評細粒男偶像：走音走到九彩 力撐何伯畀啲錢買開心勿奉獻身家丨獨家
周啟生狠批陳蕾再點名鬧林家謙？
周啟生昨日（6日）在Facebook發文：「今日想同大家玩一樣未玩過嘅嘢：大家選一男一女，你最唔要聽到佢唱歌嘅歌手！哈哈大笑！PS : The one simply you don’t wanna hear for long !」大量網民留言寫了不同歌手的名字，周啟生並沒有一一回應，但當有人提到林家謙時，周啟生即回覆：「嗰條廢青我都麻麻哋鍾意！」該網民即指：「佢返去做幕後我冇問題㗎。」周啟生卻再補充：「又唔見佢幕後有咩條件！」周啟生之後又指有很多林家謙的樂迷反駁，令周啟生更加不滿，甚至爆粗指斥：「林家謙有班好X戇X嘅盲迷走入嚟，冇料扮四條！林家謙，你班擁躉真係戇X！」
周啟生不滿陳蕾擁抱瑕疵
周啟生曾為《獅子山下》、《風的季節》等膾炙人口的作品編曲，近年他不時點評時下歌手，以往已試過被Fans狙擊。周啟生去年初以「食垃圾論」力撐DJ梁文禮狠插梁詠琪一事，又重提「楊千嬅根本唔適宜唱歌」。周啟生亦曾發功狂踩陳蕾：「有朋友send咗一啲links畀我，係一個女仔嘅演唱會，女歌手叫陳蕾。我之前曾經聽過一兩隻佢嘅歌，聽唱片製作又真係幾好聽！音樂，歌詞，唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。」對於陳蕾「走音擁抱瑕疵論」，周啟生留言揶揄：「擁抱瑕疵，拒用科技，咁屙完屎，抆唔抆屎？屙屎唔抆屎，為咗慳廁紙，講來講去兩個字，無恥無恥極無恥。」
周啟生都有讚人？
周啟生亦曾在訪問上笑指20幾歲偶像「肚腩似西瓜大，唱歌又走音，陳年老偶像個肚就好似孭住個雪櫃」，周啟生直言：「年輕偶像唔可以肥，對自己要有要求，否則人哋點值得愛你？不過都只係紙紮偶像，逆市下廣告收入大減，又狂被抽佣都所剩無幾，如泥菩薩落水即溶。」周啟生並非只會批評，他都有讚年輕藝人：「Marf（COLLAR成員）唔係皮包骨，幾型幾靚，但唔了解佢唱功，佢嗰隊柴娃娃冇樣啱音；Jay（馮允謙）都幾正，斯文靚仔，唱歌有feel，可惜唔夠紅。」
周啟生出言力撐甄妮
早前人稱「樂壇風紀」的甄妮因公開批評《中年好聲音2》賽果，引來評判之一的伍仲衡爆料，指她疑似在行內出名「唔找數」。周啟生亦出言力撐甄妮：「甄妮姐姐享譽華語樂壇半世紀，出名有義氣，我10幾歲就跟住佢走埠做演唱會，感激佢畀機會我哋一眾樂手！我認識嘅佢，為人大方闊綽，咁多年來，我從未聽過佢爭人一毫子！PS：想嗌交嗰啲無聊人，唔好嚟搵我，唔鍾意睇我講嘢就唔好睇！我唔同蠢人討論㗎！」甄妮亦回覆：「周啟生～你這個好小子，不怕跳入陷阱！加油！」
其他文章：
甄妮獲周啟生力挺闊綽冇「走數」 向伍仲衡發最後通牒寸冇品 再揭被舊戰友冒認犯罪
周啟生狠批金獎女歌手唱Live離晒譜走音：極無恥 被要求評姜濤怕「鏡安法」笠水？
