巴黎奧運丨洪永城揭開北韓運動員神秘面紗比賽落敗有呢個下場？曾因「犯禁」寫悔過書

更新時間：17:16 2024-08-08
發佈時間：17:16 2024-08-08

2024巴黎奧運的賽事進行得如火如荼，各地選手出盡全力爭取最佳成績，在乒乓球混雙賽上，北韓選手李鄭息及金琴英「爆冷」奪得銀牌，兩人冷靜的表現和驚人實力，再上這對北韓組合背景神秘，迅即掀全球討論。曾經在2015年拍過TVB旅遊節目《在那遙遠的地方－北韓》的洪永城，拍片解構北韓運動員神秘的一面。

洪永城揭開北韓運動員神秘一面：

洪永城在2015年曾拍攝節目《在那遙遠的地方－北韓》，自爆因帶了一本由美國作者撰寫關於北韓的書籍入境，最後要簽悔過書才可以走。今次北韓運動員共有16位運動員出戰巴黎奧運，他們的一舉一動都成焦點，洪永城日前在小紅書拍片，揭開這個神秘面紗。有指他們的行踪相當保密，洪永城說：「就算喺奧運村同一楝大廈嘅選手都話未見過佢哋，有選手仲話只係試喺食煙先見過，連食飯都冇見過佢哋。我去北韓嗰陣，都見過好多人玩運動，無論踢波、游水、打籃球同排球，佢哋特別鍾意籃球，因為佢哋領導人好鍾意籃球，甚至邀請美國球星洛文去到北韓同佢5哋打籃球。」

洪永城稱運動員成績好連父母都受惠

洪永城又稱基本上是一個很正常的國家，唯獨運動員的待遇和結果有點不同，他說：「如果你係北韓嘅小朋友，打乒乓波打得好，當然係重點培訓，首先係省級，如果喺省級都特別優秀嘅話，就會送去平壤，去到平壤已經係最高級，因為全個北韓只有10分之一嘅人口，可以喺平壤住，喺嗰度住，全部都係非富則貴，或者係特級人士。」洪永城還表示如果成績很好的話，連父母都會受惠：「可以一齊搬去平壤住，所以運動係可以變人生。」

巴黎奧運丨乒乓球混雙北韓選手金琴英有危險？

洪永城稱特級運動員分子待遇有所不同

假如是運動員的特級分子，洪永城稱待遇又有所不同：「首先會被安排住摩天大廈，有一個大啲同舒服啲嘅屋，多啲物資，多啲嘢食，多啲資源，好似服裝，錢就唔會特別太多，但係資源係一定豐富，仲重要係可以有多啲電可以用。」洪永城續說：「最重要佢哋請唔到啲外國專才，去北韓教運動員，因為冇人敢入去，所以佢哋參選嘅奧運項目，嚟嚟去去都係同30、40年前一樣，冇分別。曾經喺90年代，有一位運動員輸咗比賽，好似冇獎牌，跟住佢逃走咗，後來出嚟做訪問，講番當年點解要逃走？佢就話一返去就要成為煤礦工人，所以佢唔想返去。」

不過，洪永城覺得這個不知道是否個別例子，但據他分析應該不會這樣苛刻：「如果真係咁苛刻，仲有邊個會做運動員？輸咗比賽返到國家要畀人嚴刑拷打，仲有邊個想入呢個國家嘅運動體制？我覺得唔會有懲罰，最多係返番去鄉下過原來生活，冇得再做運動員，冇得成為明星同國家英雄。」

其他文章：

巴黎奧運｜南北韓選手世紀同框領獎！互動引全球討論沒握手一舉動成亮點

巴黎奧運丨北韓組合爆冷擊敗乒乓港隊！背景神秘掀全球討論黃鎮廷妻兒現身觀眾席

巴黎奧運丨杜凱琹為哥哥戀情費盡心思！曾代兄向中國隊成員示愛識彈琴唱歌私下好斯文

巴黎奧運丨何甄陶實力與顏值兼具爆肌body榮登男神因媽媽一舉動展開了游泳之門

巴黎奧運丨謝影雪最後一戰搏到盡！退役後必做的三件事出場前有小習慣感意外

巴黎奧運丨郭晶晶親身力撐乒乓港隊黃鎮廷杜凱琹夫妻完場反應大對比引網民發笑

巴黎奧運丨江旻憓被爆15年前往事！才華早被肯定獲「特別照顧」父女溫馨細節曝光

巴黎奧運丨「劍擊女神」朱嘉望首任評述員獲讚！家境富裕港大畢業甜美樣配火辣身材

巴黎奧運丨鄭裕玲契女與江旻憓係同學！晒舊照展最萌身高差爆求學時一舉動成就金牌佳績

巴黎奧運丨27歲李卓耀封羽毛球男單黑馬！港式「壞孩子」外型搶FO 左臂紋身有特別意義