52歲朱茵女神地位未動搖！凍齡力驚人美貌勝當年 被爆拍兒童節目有厚待 同事有呢個反應
發佈時間：11:00 2024-08-09
90年代憑電影《西遊記大結局之仙履奇緣》飾演「紫霞仙子」一角，成功穩坐女神地位的朱茵，在2012年與黃貫中（Paul）結婚並誕下女兒黃鶯專心相夫教女，淡出幕前13年的朱茵終復出幕前，接拍ViuTV新劇《反起跑線聯盟2》飾演魔鬼教師，凍齡力驚人的朱茵美貌勝當年，女神地位未有因淡出而動搖！
相關閱讀：朱茵一家三口激罕合體！11歲囡囡追及媽咪身高 越大越似爸爸黃貫中？
淡出幕前13年的朱茵，復出之作《反起跑線聯盟2》將於下周一（12日）在ViuTV播出，今次朱茵在劇中飾演魔鬼老師，原來女兒黃鶯的老師竟然有助演出，她笑說：「因為由幼稚園開始都成日接觸老師，腦中都有唔同嘅形象，真係幫咗我嘅演出。而家囡囡都大個咗，見到呢班小朋友好得意，好似囡囡童年時候，忍唔住睇多啲、望多啲。」曾經主持過兒童節目的朱茵，今次為了令小演員容易投入角色，唯有保持威嚴：「小朋友知道我預備埋位，佢哋即時靜晒，因為頭兩日我唔太敢笑，令到有返老師嘅距離感，佢哋都易入戲啲。不過之後幾日我都寬容啲，因為唔想佢哋真係驚咗我。」在現實生活中，朱茵反而是一個有得傾有得講的媽咪：「有啲位會嚴啲啲啦，但唔可以畀佢驚咗我，因為驚咗就唔再講真話，同埋自己做錯咗會Say Sorry，令佢知道呢句說話唔係咁難講。」
譚玉瑛爆同事對朱茵不用外景有微言
連日來朱茵努力宣傳新劇，日前與第一代兒童節目主持人譚玉瑛激罕合體，重提當年一邊修讀演藝學院，一邊返TVB拍攝兒童節目的日子，朱茵笑說：「嗰陣係人生一段最辛苦的日子，嗰時TVB、亞視都入過學校揀啲啱佢哋節目的人，我係被揀選其中一個，但係我只能夠拍兒童節目，仲記得我張合約係King Sir（鍾景輝）幫我簽，拍到後尾半年就快畢業，我就同無綫講我要返去畢業，因為我要攞到張畢業證書。」因為周六周日才可以拍節目，譚玉瑛大爆當時同事都有微言：「對我哋呢啲返工嘅人來講，你點解咁有優待，唔使返外景。」
朱茵昔日靚相：
黃貫中曾經與女兒黃鶯在2020年曾參加內地親子真人騷《想想辦法吧！爸爸》，黃鶯因表現乖巧獲得不少網民喜愛和讚賞，惜隨着囡囡日漸長大，夫婦倆近年都鮮有公開一家三口相，不過她們一家試過被捕獲，黃鶯已追及朱茵身高，而且越大越有爸爸黃貫中的影子，不少網民都驚嘆：「黃鶯都那麼高了」、「女兒好像和小時候綜藝裏看到的也變樣子了」、「女兒長相氣質越來越好」、「姑娘像爹」。
其他文章：
52歲朱茵獲網民投票成「靚到癲嘅女明星」第七位 黃貫中戥老婆不值：邊個靚過佢？
王晶大爆周星馳整容！因一事令友情生變 揭星爺情史點名兩女星：睇住佢郁手！
